Aktor, todo-palusot pa… SHOW NI JAMES SA US AT CANADA, NILANGAW, 'DI NA ITINULOY

ni Reggee Bonoan @Sheet Matters! | January 30, 2023

Hindi tuloy ang Lovescene North American Tour show ni James Reid na gaganapin sana sa 13 major cities ng North America at Canada na nagsimula sana nitong January 29 hanggang February 26 dahil mababa ang ticket sales?

Ang mga major cities ay ang Houston, Texas (Jan. 29), Richmond, Virginia (Feb. 1), Asbury Park, New Jersey (Feb. 4), New York, New York (Feb. 5), Toronto, Ontario (Feb. 7), Chicago, Illinois (Feb. 8), Winnipeg, Manitoba (Feb. 11), Calgary, Alberta (Feb. 14), Vancouver, British Columbia (Feb. 16), Seattle, Washington (Feb. 19), San Francisco, California (Feb. 21), San Diego, California (Feb. 24) at West Hollywood, California (Feb. 26).

Ang dahilan ng kanselasyon, ayon sa binasa ni Mama Loi sa Showbiz Update YouTube channel nila ni Ogie Diaz kasama si Tita Jegs na in-upload nitong Linggo ay inianunsiyo ng singer/producer/actor na hindi na nga tuloy ang Lovescene North American Tour niya.

“Hi everyone, with my North American Tour coming up in less than a week, I’m deeply saddened to announce that my Lovescene tour will be postponed to a later date this year.

“Firstly, I want to thank you for the overwhelming response to the tour, to all my fans and supporters, thank you from the bottom of my heart. The past year has been an absolute ride, and with your support, I’ve been able to grow and experience unbelievable things beyond my wildest dreams.

“At the same time, it’s been an exhausting grind that has really taken a toll on my health; physically, emotionally, and mentally.

“It wouldn’t be fair to you and fair to the people who have supported me in creating this album.

“Making my fans proud is my top priority and at this time I’ve realized that I wouldn’t be able to give you guys the performance and experience that you deserve. It wouldn’t be fair to you and fair to the people who have supported me creating this album.

“To my fans in North America, I’ll be preparing to come back even stronger – with more music and an even bigger, better show for you, sooner than you think. I’ll make sure it’ll be worth the wait. Brb. Love you all. James.”

Saad ni Mama Loi, “Hindi niya diretsong tinukoy kung ano ang dahilan, ‘Nay (Ogie). Ang sabi lang niya sa panahong ito, hindi niya maibibigay ‘yung performance na deserve ng mga fans niya."

Hirit ni Tita Jegs, “Naku, Mama Loi, palusot pa si James Reid! Hindi lang niya maamin na flop ang ticket sales. Kaya ‘yan, kung anu-ano ang idinadahilan niya na hindi pa siya prepared, tigilan nga ako.”

Tanong ni Mama Loi kay Ogie, “Ikaw, ‘Nay, ano sa tingin mo?”

“'Yun nga ang itinuturo nilang dahilan na flop daw ang ticket sale,” saad ni Ogie.

Mabilis na sabi ni Tita Jegs, “Inulit mo lang ‘teh. Kakasabi ko lang (sabay iling).”

Katwiran ni Ogie, "Eh, ‘yun din ang nakarating sa akin, eh.”

Natatawa namang sabi ni Mama Loi, “Ang nakarating naman sa akin, ‘Nay, flop daw ‘yung ticket sales.”

Naloka si Tita Jegs sa paulit-ulit na sinabi ng dalawa at natawa na lang din si Ogie.

Say pa ni Ogie, binasa niya ang mga komento ng mga netizens sa Fashion Pulis website at tila galit ang iba kay James at sinabing mahina nga raw ang benta ng tickets niya.

Tsinek din namin ang website at ang mga nabasa naming reaksiyon ng mga netizens ay puro lait sa kanya.

“Either flop/hindi kumita o kikita OR mismanagement. What is happening to you, James?

Gusto niya, siya lang gumagawa? Ayaw magpatulong? Geez men.”

“Hahaha! Maryosep, eh, kung dito nga, eh, i-try n'yong mag concert kung 'di langawin. North America tour pa. Careless nga.”

“Tour para sa'n? Eh, hindi naman siya magaling. Magsasayang lang ng pera. Ibili n’yo na lang ng sibuyas, may sustansiya pa.”

“'Yung concert niya rito sa Philippines (Cebu) recently, parang nangyari kay Toni, konti bumili kaya namigay na lang ng free tickets. So lugi.”

"Taas ng pangarap. Ni hindi nga kumikita mga ipino-produce na shows, tapos mag-North American tour? Pleeeeeeaaassssseeeeeeeee.”

“Ano ba'ng nangyayari kay James, para siyang may sariling universe na s’ya lang main character, ganu'n?”

"HAHAHA, exactly. Masyadong nagiging delusional, akala mo, unlimited ang pera.”

“My gosh! Ganito ba ka-delusional si James Reid? Bakit s’ya magtu-tour sa America, eh, 'di naman s’ya kilala d'yan, hello!”

“Trew! Sa Pilipinas nga, na-La Ocean (laos) Deep, pumunta pa ng US.”

Naawa kaming bigla kay James sa mga nabasa naming umabot sa 132 comments and still counting na puro lait.

Oo nga, dapat ay may hit songs nga naman siya para makilala sa ibang bansa.

Hmmm, bumalik ka na lang ng 'Pinas, James. Gumawa ka ng serye o pelikula, baka sumigla ulit ang career mo.