Agaw eksena… RHIAN, UMAMING HINIRAM LANG KAY DRA. BELO ANG BAG NA INIRAMPA SA PARTY

ni Nitz Miralles - @Bida | August 18, 2022

Bukod sa suot, ang hawak na clutch ni Rhian Ramos sa GMA Thanksgiving Gala ang napansin ng mga imbitado sa nasabing event.

Ibinuking ni Rhian ang sarili sa pag-aming hindi kanya, kundi hiniram lang niya kay Doctor Vicki Belo ang silver clutch.

Inamin ito ni Rhian sa kanyang vlog kasabay ng pag-aming nakalimutan niyang paghandaan ang gagamiting bag. Na-focus daw ang paghahanda niya sa gown na isusuot, sa shoes, at make-up at nakalimutang paghandaan ang bag na gagamitin.

Savior para kay Rhian sina Dr. Vicki at Max Collins.

“Another way pala that doktora has saved my life is... This is my first ball, guys, and hindi ko naisip, for some stupid reason, kung ano ang magiging bag ko for the night. But doktora lent me one of hers. She sent me photos, I was like, ‘Please, can you help me?' She sent me photos and one of her bags was the perfect size, kasya ‘yung phone; the perfect design. I think it’s super Old Hollywood; and the color is super perfect for my dress,” kuwento ni Rhian sa mga subscribers niya sa YouTube.

Ipinakita nga ni Rhian ang hiniram na silver clutch kay Dr. Vicki at bumagay nga sa okasyon at sa suot niya.

Very proud tiyak sa kanya ang boyfriend na si Sam Verzosa sa gabi ng event dahil ang ganda-ganda ni Rhian that night.