After sa Kyusi... DIREK DARRYL, IPINABA-BANNED DIN SA BICOL

ni Nitz Miralles - @Bida | August 4, 2022

Ang mga comments na “Mukhang pera,” “Malaki ang bayad kaya tinanggap,” “This is disgusting,” “Ganyan ba ang itinuro sa history n’yo sa UP Diliman?” “You are disappointing,” at “Ang dali mong mauto. UP grad ka, ‘di ba? Anyare?” ay ilan lang sa reaction ng mga netizens sa column ni Giselle Sanchez sa broadsheet kung saan ipinaliwanag niya kung bakit niya tinanggap ang sabi ay “the most controversial role of 2022 in Philippine Cinema.”

Si Giselle kasi ang gumanap sa role ni the late former President Cory Aquino sa controversial film ni Director Darryl Yap na Maid in Malacañang o MiM. Dalawa lang ang eksena ni Giselle, pero controversial, kaya sinugod ang Facebook account niya at sari-saring hate comments ang mababasa.

Naiyak si Giselle sa comment ni Fr. Alejandro Alia na idinepensa siya sa mga nagalit sa kanya at sinabing “Nothing to worry about it. Just try to be the best actress as you usually do with passion and intelligence.”

Sagot ni Giselle, “Thank you, Father Alia. Naiiyak po ako sa message mo. Salamat po.”

Dahil kasama si Giselle sa cast ng MiM, kabilang siya sa ipinanawagang ideklarang persona non grata ang buong cast at production team. Mayroon namang nanawagang ideklarang persona non grata sa Bicol si Direk Darryl. May pinapipirmahan na petition via change.org.

Dalawang persona non grata na ito ni Direk Darryl, nauna sa Quezon City at next sa Bicol. Tanong ng mga supporters ni Direk Darryl, ano ang ground ng mga nasa likod nito, wala namang nabanggit na Bicol sa pelikula?