Kay Ashtine na ngayon… DAVID, NAWALAN NG ENDORSEMENTS NANG MAHIWALAY KAY BARBIE

ni Erlinda Rapadas @Teka Nga | October 2, 2026

Photo: David Licauco at Barbie Forteza / IG

Marami ang nag-aabang kung iba-bash ng BarDa (Barbie Forteza at David Licauco) fans ang Viva star na si Ashtine Olviga, na kapareha ni David sa pelikulang Fight for My Way na Philippine adaptation ng Korean series.

Hanggang ngayon ay loyal pa rin ang BarDa fans at umaasa na magkakasamang muli sina Barbie at David. Hindi sila papayag na tuluyang maagaw ni Ashtine si David.

Samantala, marami ang nagsasabing may mga endorsements na nawala sa aktor dahil sa pagkabuwag ng love team nila ng aktres. Sila pa rin kasi ni Barbie ang gusto ng malalaking produkto bilang endorsers dahil iba ang karisma sa publiko ng tambalan nila.

Kaya, marami ang labis na nanghihinayang sa mga bagong career moves ni David. Pero ang maganda, nananatili pa rin siyang Kapuso at Sparkle artist habang may proyekto siya sa Viva One.