After PBB, may 10 endorsements agad… SHUVEE, BINILHAN NG FORD EVEREST ANG PARENTS

ni Julie Bonifacio @Winner | July 14, 2025

Photo: Shuvee Etrata - IG

Pinag-uusapan sa X (dating Twitter) ang ibinigay ni Shuvee Etrata na kotse sa kanyang parents. Feeling proud ang mga followers niya sa X sa ginawa ng aktres.

Actually, ang mga netizens ang nag-reveal na bumili ng bagong kotse si Shuvee para sa parents niya. Ini-repost ng isang fan ang pictures ng kotse at nakalagay sa comment section na si Shuvee ang bumili nito.

Sey ng netizen, “Shuvee bought a new car for her family (teary-eyed face), a Ford Everest.”

“Grabe ka, bhe, so proud of you, Shuvs! Sobrang nakaka-proud si Shuvee (teary-eyed face).”

May nagtanong sa comment section kung ni-rent ba nina Shuvee ang kotse na nasa picture.

Sagot ng isang netizen, “Hindi po, Ma’am, bumili talaga sila sa aming showroom po sa Gold Aces Car Display Center po.”

Na-happy ang mga netizens for Shuvee.

Mensahe nila, “Grabe rin kayod ni Shuvee after leaving BNK, kaya super-deserved niya lahat ng blessings.”

“Shuvee, you are finally living your dreams and this is just the start, only up from here, always here for you, Shuvs!”

So far, more than 10 na raw ang endorsements ni Shuvee.

In fairness, marami talaga ang gumaganda ang career at siyempre ang buhay sa mga housemates ni Kuya. 

Kaya after ng kotse, new house na raw ang kasunod na bibilhin ni Shuvee.

Sey pa ng mga netizens: “Unti-unti na natutupad ang pangarap niya (red heart emoji).”

“Sunod na ang bahay. Deserved so much (red heart emoji).”

“May ipon na s’ya! Bahay next, manifesting (pink heart emoji).”

May nag-suggest na bumili rin si Shuvee ng resort. 

Iba pang komento…

“Sana mag-invest s’ya sa resort du’n sa Cebu para may business na s’ya para sa family na rin n’ya.”

“May resort ata family ng lolo sa Bantayan, and also may resort din ata sila sa Polomolok pero hindi talaga sa kanila. I think sa lolo at lola lang n’ya.”

‘Yun na!

---

Magkasama sa Europe…

EDU, SI JOY ORTEGA RAW ANG IPINALIT KAY CHERRY PIE

HOW true na in a relationship sina Edu Manzano at Joy Ortega?

May mga posts kasi si Joy sa kanyang Instagram (IG) ng pictures nila ni Edu habang nagbabakasyon sa Europe.

Karamihan sa mga netizens ay hindi na naabutan ang pagiging active ng career ni Joy sa showbiz.

Komento ng mga netizens:

“Nakaka-throwback naman ‘pag narinig mo si Joy Ortega, parang nasa ‘90s. Hahaha!”

“‘Di ba si Joy ‘yung gumagaya kay Kris dati, as an act siyempre, pero du’n s’ya nakilala before SST.”

“Yes. Povedan si Joy Ortega. From the north political clan na Ortega.”

Nasilip din ng mga netizens ang pattern ng mga nagiging girlfriends ni Edu.

Sey nila, “From Cherry Pie to Joy Ortega. Hahaha! Talagang within his age range lang ang pinapatulan ni Edu. Ayaw n’ya sa mga bata.”

“Hindi ba si Edu and ‘yung Sharmaine Suarez?”

“Why not, pareho namang single? What I like about Edu, he dates people na ka-age bracket n’ya lang or not super duper young. Cringe kasi talaga ‘yung mga nagdyo-jowa ng parang apo na nila (disappointed face emoji).”

True…