After ng hiwalayan kay Kiefer Ravena… ALYSSA, TODO-DISPLEY NG KATAWAN SA BALESIN

ni Beth Gelena - @Bulgary Files | June 8, 2022

Sanay ang mga netizens na nakikitang naka-volleyball jersey at short shorts ang volleyball superstar na si Alyssa Valdez kapag naglalaro. Pero, iba pa rin kung makikitang naka-bikini ang former PBB celebrity housemate.

Nasa Balesin Island si Alyssa para magbakasyon, also to heal her heart dahil kabe-break lang nila ng BF for six years, ang basketball player na si Kiefer Ravena.

Sa Balesin ay ginulat ni Alyssa ang mga nandu'n nang makita nilang ibinuyangyang ng volleyball star ang kanyang toned body in a sexy bikini.

Ibinahagi ni Alyssa ang mga kuhang larawan sa kanyang social media account kung saan naka-yellow bikini siya habang rumarampa sa luxurious island.

Ang caption ni Alyssa, “Just wanna have some sun.”

Ang mga followers at kaibigan ng ex-PBB housemate ay nagkomento sa kanyang comment section sa IG.

“Tama 'yan, Balesin after ng…" komento ng teammate niya na si Jhoana Maraguinot.

Kasama ni Alyssa ang buo niyang team, ang Creamline Cool Smashers, for some time off the court before the next conference of the Premier Volleyball League.

Ang team ni Alyssa ang defending champion nu'ng nakaraang PVL nu'ng buwan ng Marso.