After ng 5 anak kay Iya… DREW, PROUD NA NAGPA-VASECTOMY NA

ni Nitz Miralles @Bida | Apr. 30, 2025

Photo: Drew Arellano - IG

Pinuri si Drew Arellano sa desisyon na magpa-vasectomy. Sana raw, lahat ng lalaki ay selfless at magsakripisyo para hindi anak nang anak. 

Lima na kasi ang anak nila ni Iya Villania at bata pa silang pareho, kaya malaki ang posibilidad na magkaanak pa ang mag-asawa kung hindi nagpa-vasectomy si Drew.

Best decision daw ito ni Drew kahit sabihin pang afford nila ni Iya ang maraming anak dahil pareho naman silang may trabaho. Pero, may mga kumontra sa naging desisyon ni Drew, dapat daw, si Iya na lang ang nagpatali dahil irreversible ‘yun.

Ipinost ni Drew ang photo niya habang nasa operating room at idinaan sa comedy ang kanyang operasyon at pati ang caption.

Sabi nito, “Happy late and advanced Mother’s Day to my wife. #HappyVA-SEC-TO-MEE #snipsnip #SarapYungSedativeAh.”

Si Iya ang sumagot sa comment na wala nang magiging number 6 at sagot nito, “No more Andi.” 

Pati si Iya, kinongratyuleyt ng kanilang mga kaibigan sa naging desisyon ng asawa.

Sa comment ni Kim Atienza na, “Welcome to the club, inaanak,” ang ibig sabihin nito, nagpa-vasectomy din si Kuya Kim. Tumulong pa ito sa pag-explain kung ano ang ginagawa sa vasectomy.

Mababasa rin ang comment ni Carla Abellana na, “Sa mga kalalakihan d’yan, dapat ito tularan.”

May mga nakakatawa namang comment na ang suwerte ng nurses na nag-assist sa doctor na nag-opera kay Drew Arellano. May nag-wish pa na sana, sila na lang ang nurse.

---

PASAWAY ang ibang mga fans, pilit ikinokonek ang comment ni Jillian Ward patungkol kay Michael Sager na nakapareha niya sa series na My Ilonggo Girl (MIG) sa tweet ni Sofia Pablo tungkol naman sa pagkaka-evict ni Michael sa Bahay ni Kuya.

Actually, nag-celebrate si Sofia and some of her Sparkle talent friends dahil hindi na-evict sa latest eviction sa Pinoy Big Brother (PBB) Celebrity Collab Edition ang friend niyang si Vince Maristela. Sina Michael at Emilio Daez ang latest na na-evict at hindi nagustuhan ng mga fans ng dalawa ang pagsasaya nina Sofia.

Dahil hindi friends sina Jillian at Sofia, ginawan ng isyu ang pahayag ni Jillian at tweet ni Sofia. Napaka-positive ng pahayag ni Jillian sa naging kapareha.

Aniya, “Well... nagulat po talaga ako kasi akala ko, magiging Big 4 si Michael... dahil... actually, si Michael, isa s’ya sa pinakatotoong tao na nakilala ko. And mostly, misunderstood kasi si Michael, hindi nila alam ganu’n talaga siya kalambing and friendly like genuine talaga siyang ganu’n. 

“Pero sabi ko nga, tuloy ang laban sa outside world.”

Si Sofia naman, kahit walang kasalanan dahil nag-celebrate lang para sa kaibigan, nag-sorry pa rin para siguro matigil na lang ang isyu.

Sey niya, “First of all, sorry to everyone I offended. I had no intentions on being insensitive.” 

Pinalagan nito ang pagtawag sa kanyang insecure at insensitive. 

Pakiusap pa nito, “Don’t speak unless you know the truth.”

---

Madir ni Cong. Arjo, bongga! 

JANICE AT KAILA, IPINASYAL NI SYLVIA SAKAY NG HELICOPTER

IPINOST ni Janice de Belen ang reels ng chopper ride nila ng anak na si Kaila Estrada kasama si Sylvia Sanchez. Ipinakita rin sa reels ang dinaanan nila on the way to their destination at mawi-wish mo na lang na sana, kasama ka nila sa chopper.

Sabi ni Janice, “TODAY WAS AN AMAZING DAY FOR SURPRISES! So @sylviasanchez_a INVITED @kailaestrada AND I FOR LUNCH. BUT, WE GOT TAKEN FOR A RIDE! ON A HELICOPTER!!! WE PASSED BY @kailaestrada’s @benchbodyph BILLBOARD (FIRST TIME KO MAKITA! SO PROUD!!! AND WENT TO @sonyasgarden FOR LUNCH!!

“SO MUCH KWENTO ABOUT LIFE, LOVE AND OUR CHILDREN. I’VE KNOWN @sylviasanchez_a FOR QUITE A LONG TIME! PINAHANGA MO AKO!!!

“THANK YOU FOR TODAY.”

Sumagot si Sylvia, “Dahil ‘yan sa kabaitan mo sa akin noong 1990 @super_janice at ngayon kahit papa’no, nakagawa rin ako ng makabuluhan at napakaimportante para sa ‘yo gaya ng ginawa mo sa ‘kin noon. Si @kailaestrada at para kay Kaila. Maraming-maraming salamat sa ‘yo, de Belen, hindi ako nagkamaling mag-abang sa ‘yo gabi-gabi at buhusan ng oras si Flordeluna! Love you forever, my Flordeluna Alicante!

“The goodness within a person can carry them farther than the eye can see, farther than the heart can dream,’” sabi pa ni Sylvia.

Nagpasalamat sina Janice at Kaila sa kakaibang treat ni Sylvia at memorable talaga ‘yun para sa kanila.