After magwagi uli sa Pasig… MAYOR VICO, PINALILIPAT NA SA IBANG CITY
- BULGAR
- 1 day ago
- 3 min read
ni Nitz Miralles @Bida | May 17, 2025
Photo: Vico Sotto - FB
Nakakatuwa ang ganting sagot ng mga netizens sa pabirong sagot ni Pasig City Mayor Vico Sotto sa mga nag-comment na lilipat na sila sa Pasig para ma-experience ang maganda niyang pamumuno sa nasabing siyudad.
Sabi kasi ni Vico sa interview ng Inquirer.net tungkol sa mga gustong lumipat sa Pasig, “Masikip po rito. Punumpuno na po kami rito, baka wala na po kayong malipatan.”
Sagot ng mga netizens, bibili na lang sila ng bahay sa Valle Verde. May nag-comment naman na sa puno na lang siya titira. At ‘yung isang makulit, may alam daw siyang lugar na lilipatan, payagan lang siyang lumipat.
May magkakaibigan naman na magko-contribution daw sila para makabili ng bahay sa Pasig. Mayroon namang nag-suggest na i-extend ni Vico ang Pasig para ma-accommodate ang mga gustong lumipat.
Ang dami namang nag-suggest na si Vico na lang ang lumipat sa lugar nila. At ‘yung iba, hihiramin daw muna nila si Vico kung okey lang sa Pasig.
May mga nag-suggest naman na tumakbong presidente si Vico kapag nasa tamang edad na siya at ngayon pa lang, nangako nang magbo-volunteer sa kampanya niya para masigurong siya ay mananalo.
Sobrang ‘kaaliw ang mga ganitong convo at sana, nababasa ng mga pulitiko para alam nila ang pulso ng sambayanan na gusto na ng pagbabago.
Sabagay, mahusay mamuno si Vico at hindi na ikagugulat ang muling pananalo nito.
Simpleng “Maraming Salamat, Pasig,” at “Thank you so much for all your congratulatory greetings for @vicosotto. Glory to God!!!” ang pasasalamat ng mom ni Vico na si Coney Reyes. Kay Coney na rin ipinaabot ng mga taga-showbiz ang pagko-congratulate nila kay Vico.
Dapat daw tularan si Councilor Aiko Melendez na nanguna sa pagbaklas ng kanyang billboards, posters, tarpaulin at iba pang campaign material dala ng pagtakbo niyang konsehal sa District 5 ng Quezon City.
“Isang araw pagkatapos maproklama. Kung marunong ka magkabit, marunong ka din dapat magtanggal!” caption ni Aiko sa ipinost na reels habang pinangunahan ang pagtanggal ng campaign materials.
Binati si Aiko ng mga showbiz friends at fans sa kanyang ginawa at wish nilang pamarisan ng ibang kumandidato, natalo man o lalo na ‘yung nanalo.
Nanguna si Carmina Villarroel sa pag-comment ng “Loving it GF!!! Good job! Congrats again. You deserve it!”
Marami ang mga sumaludo sa ginawa ni Aiko. Ipinakita raw nito kung gaano siya kasipag. Good example raw siya kung paano maging responsible citizen at politician.
Nagpasalamat naman si Aiko sa mga bumoto sa kanya na umabot sa 144,700 as compared sa 95,621 votes noong 2022.
“Maraming salamat po sa patuloy na tiwala at suporta! Sa aking pangalawang termino, tayo ay sesentro pa sa de-kalidad na serbisyo. Nasubukan ninyo naman ako, ‘di tayo titigil. Hinding-hindi ko bibiguin ang Distrito 5,” pangako ni Aiko.
PINAYUHAN si Kyline Alcantara ng kanyang mga fans na ‘wag magko-comment sa interview kay Rhaila Tomakin na nabanggit na hindi siya kilala nito. Hayaan daw nito ang maiingay sa paligid na baka gusto lang makisakay sa popularity niya.
Dagdag pang payo kay Kyline, ituloy niya ang pananahimik at kahit ano pang isyu ang lumabas, ‘wag siyang sasagot.
“Stay calm and with a class,” ang payo nila kay Kyline na nasa serious workout era naman.
Tila may pinaghahandaang laban si Kyline sa bigat ng binubuhat at mga ginagawa sa workout. Biro ng mga fans, parang gusto nitong magka-muscles at magka-abs at hindi na siya mahihirapan sa dami ng kanyang ginagawa.
Kababalik lang ni Kyline from South Korea para sa taping nila ni Barbie Forteza ng Beauty Empire (BE) at sumabak agad sa workout. Parang ayaw nitong mabakante after tumigil sa pagpunta sa gym noong may relasyon pa sila ni Kobe Paras.
Sa mga nagtatanong kung sino si Rhaila, siya ‘yung girl na ka-holding hands ni Kobe habang nasa Bali, Indonesia sila. Inakalang siya ang ipinalit ni Kobe kay Kyline, pero sabi ni Rhaila, friends lang sila ni Kobe.
Na-interview si Rhaila sa launching ng kanyang single dahil recording star siya at wish ng mga netizens, mag-guest siya sa All-Out Sundays (AOS) para magkita sila ni Kyline na mainstay ng show ng GMA-7.