After i-divorce ang mister, best mother daw siya… PRISCILLA, GUSTO ULING PAKASALAN NI JOHN

ni Mercy Lejarde @Showbiz Talkies | February 16, 2026

Photo: IG _johnestrada

“WE'RE no longer married,” ito ang pahayag ng TV host-Brazilian model at dating misis ng guwapong aktor na si John Estrada na si Priscilla Meirelles nang mag-guest siya sa Fast Talk with Boy Abunda (FTWBA).

Tanong ng King of Talk, “Kumusta ang lagay ng iyong puso?”

Sey ni Priscilla, “Well, a lot of things have changed and I’ve regained my peace of mind. ‘Yung happiness ko is back and I’m so confident about so many things. And I really feel ‘yung bagong taon, bagong buhay ko.”

Tanong ni Boy, “Kumusta ang estado ng inyong relasyon ni John Estrada?”

Ani Priscilla, “We're no longer married.”

Tanong uli ni Boy, “So officially today, as we talk, you are divorced? Has he been informed?”

Sagot ni Priscilla, “Oh, yeah. That’s why he gave an interview saying that he would remarry me.”

Tanong pa ni Boy, “Ano’ng reaksiyon mo nu’ng sinabi n’ya that you are the best mother, woman that he’s ever met and he is willing to remarry you?”

Sabi ni Priscilla, “I was sad. Because it’s sad for someone to acknowledge that after they’ve lost the person. I was sad because of a marriage, a family that was dissolved. I was sad because now it’s too late and I was sad that we are not on the same page because for me, there is no hope.”

Tanong ni Boy, “Parati mong sinasabi, Priscilla, na John was a good provider, that he is a very good father. Pareho pa rin?”

Sagot ni Priscilla, “Yes, pareho pa rin and I hope he doesn’t change. Actually, we had that conversation last night, and then I told him I hope that never happens because if there is something that I know that I didn’t do wrong or I didn’t choose wrong is the father of my daughter. 

“Perhaps, you’re not the best husband, sometimes he was good but sometimes he was not good. But as a father, I really hope and pray that I picked right and I know he loves his daughter so much.”

Matatandaan na ikinasal sina Priscilla Meirelles at John Estrada sa Thunderbird Poro Point sa La Union noong February 26, 2011.

Bukas ang BULGAR sa magiging pahayag ng aktor.

---

“IF you’re not able to donate, kahit prayers would mean so much,” ang pakiusap ng That’s My Bae 2015 Grand Winner na si Kenneth Earl Medrano matapos niyang ibahagi na na-diagnose siya ng testicular cancer kamakailan.

Saad ni Kenneth sa Instagram (IG) post niya, “To be honest, ‘di po ako okay ngayon. Kahit mukhang masaya ako sa lahat ng posts ko, sobrang bigat po ng pinagdaraanan ko.

“I was recently diagnosed with testicular cancer, right testicle, and I need to undergo urgent surgery next week to prevent it from spreading. The total hospital cost is around P250,000 and ‘di ko po ito kayang ma-cover mag-isa.

“Nakakahiya ito but gusto ko pa makita ang mga apo ko. Sa mga mabubuting puso, humbly asking for any financial help. Any amount will be a big help for my surgery and recovery. Parang gumuho ang mundo ko.

“If you’re not able to donate, kahit prayers would mean so much.

“Maraming salamat po sa inyong kindness and support. God bless you always.”

God bless you, Kenneth, and get well soon.

---

IBINAHAGI ng Idol Philippines Season 2 (IPS2) contestant na si Drei Sugay ang pag-aalinlangan niya sa pag-ibig sa kanyang debut extended play na Pagsuko/Pagsulong.

Tampok sa EP ang anim na awitin: Paglukso, Pag-ibig, Pagsuko, Pagsulong, Pagpili, at Paghintay, na sumasalamin sa iba’t ibang yugto at pagsubok ng pag-ibig.

Isinulat at ipinrodyus ni Drei ang key track na Pag-ibig na tungkol sa pagkawala ng sarili sa labis na pagmamahal. Nakasama niya rin sa pag-compose at pag-produce ng awitin ang Nameless Kids lead vocalist na si Nhiko Sabiniano, habang nagsilbing supervising producer ang StarPop label head na si Roque ‘Rox’ Santos.

Matapos pabilibin ang mga manonood sa Idol PH, ini-launch ni Drei ang debut single na Ganu’n Talaga noong 2023 na umani ng mahigit 600,000 streams sa Spotify. 

Ipinakita niya ang talento sa musika sa iba’t ibang kanta tulad ng Aking Tangi, Iyong Mga Mata, at Paano Naman Ako.

Ipinakilala kamakailan si Drei Sugay bilang isa sa mga bagong idol trainees ng Star Hunt Academy (SHA). Bukod sa musika, gumanap din siya bilang Fonzi sa Tabing Ilog: The Musical (TITM).

‘Yun lang, and I thank you.