After 7 yrs… LOISA AT RONNIE, MAGHIHIWALAY NA

ni Vinia Vivar @Frankly Speaking | January 19, 2024

Sa nasabing finale mediacon pa rin ng Pira-Pirasong Paraiso, sinabi ni Loisa Andalio na mas gusto niya munang maghiwalay sila ng proyekto ng boyfriend na si Ronnie Alonte.

Kaya kapag nagkataon, after Pira-piraisong Paraiso ay baka hindi na muna natin mapanood ang LoiNie love team sa isang proyekto.

“Ngayon sa serye, siguro mas gusto kong magkaiba naman po muna. Kani-kanya mag-grow muna. Seven years na kaming love team. Gusto ko, grow din siya as an actor,” sabi ni Loisa sa finale mediacon.

Sumang-ayon naman si Ronnie sa sinabi ng GF. At ang gusto raw sana niya ay ma-fulfill na ang dream niya na maging action star.

“Gusto ko talagang mag-action. Ito (Pira-Pirasong Paraiso) ang naging training ko. Tama si Lois, napag-usapan namin, kapag may magandang offer, puwede ka mag-solo at humiwalay muna,’” sey ng aktor.

Thankful din si Ronnie na nagkaroon siya ng mga action scenes sa Pira-Pirasong Paraiso na talaga raw na-enjoy niya.

“‘Yung role na makipagsapakan, barilan. Kaya salamat sa Dreamscape dahil nagawa ko siya rito kahit paano,” saad ni Ronnie.