After 35 yrs. REGINE, AMINADONG LAOS NA

ni Julie Bonifacio @Winner | July 11, 2023

Tanggap ng Magandang Buhay host and Asia’s Songbird na si Regine Velasquez kung nasaan ngayon ang posisyon niya sa industry after ng kanyang matagumpay na 35 years showbiz career.

Alam niya na lumilipas na ang kanyang kasikatan.

Sa panayam sa kanya ni Ganiel Krishnan para sa segment nito sa programa ni Bernadette Sembrano na Tao Po ay naglabas si Regine ng saloobin niya tungkol sa kanyang showbiz career.

Paglalahad ni Regine, “I know that it’s no longer my time. BUT, I’m still here. And I’m still doing what I love to do most which is performing, singing, and recording. Uh… doing A.S.A.P., alam mo ‘yun?”

‘Di naman maipagkakaila na isa si Regine sa mga itinuturing na higanteng artista sa showbiz at bihira rin sa tulad niya ang marunong tumanggap ng “pagkalaos”, kung ‘yun nga ang tawag doon.

“So, I’m very blessed that I’m still able to do this. But, ako naman, alam ko naman na meron nang mas magagaling. Mas magagaling na ang mga singers ngayon,” paniniwala ni Regine.

Instead na ma-insecure, mas naha-happy pa si Regine na makapag-share ng kanyang “words of wisdom” sa mga baguhang singers.

“You know, lahat ng singers, those kids in A.S.A.P., you know, kapag humihingi ng advice, ‘yung talagang… I would just give it to them.

“I’m happy that I’m able to inspire other artists. ‘Yung mapapaano ka rin, parang… ‘Uy, kung kaya niya, kaya ko rin. Magpupursige lang ako. Magpapraktis lang ako,’” ngiti niya.

Kung hanggang kailan aawit si Regine para sa kanyang mga fans, nasa kanila raw ‘yun kung gusto pa rin siyang mapakinggan ng madlang pipol.

“Parang iniisip ko… habang may nakikinig sa akin, siguro, I’ll keep singing,” diin niya.

Pagpapatuloy niya, “Nati-teary-eyed ako. Hindi kasi, parang… kaya mo bang iwanan ‘yun?

Parang if you love something, you will fight for it. You work so hard to be able… to be successful at it. And then one day, you decide na… I don’t want to do this anymore. Parang mahirap gawin.”

Sa huli, may habilin si Regine para sa mga bagong singers.

“God gave you this wonderful talent and you should share it with everyone.

“And the way I see it now, hindi lang naman tayo basta singer, we entertain people and we inspire people.

“And hopefully, you inspire other artists also. So, that’s how I look at it now,” sabi pa ni Regine.

Ipinagtanggol naman si Regine ng kanyang mga loyal fans and supporters sa ginawa niyang pag-amin na laos na siya.

“Regine is still one of the greatest singers the Philippines has offered to the world. I will still listen to her singing and songs.”

“Nooo, Regine! It may not be the prime of your career anymore, but your longevity is your edge over the others! There may be new stars, younger and maybe better ones... but you are TIMELESS! You are one of a kind!”

“Regine’s magical presence makes the difference. Kahit ‘di na siya kumanta ay okay lang. She is still the queen of all divas, box office queen and inspiration to younger talents. She is still the life of the entertainment industry. She deserves a national artist award, actually.”

True.