After 3 yrs. na kasal, kaya raw hiniwalayan… MOIRA, MAY PROBLEMA SA PAG-IISIP, IPINAGPALIT NI JASON

ni Janiz Navida - @Showbiz Special | June 2, 2022

Pagkatapos pagpiyestahan ang hiwalayang Carla Abellana-Tom Rodriguez na 3 months lang tumagal ang kasal, ang hiwalayang Moira dela Torres-Jason Hernandez naman ang nag-trending sa social media nu'ng Lunes nang gabi, May 31.

Inamin at kinumpirma na nga kasi mismo ng mag-asawa na hiwalay na sila tatlong taon mula nang ikinasal sila nu'ng January 14, 2019.

Ang mister ni Moira na si Jason ang nag-post sa Instagram account nito ng kanilang official statement na ganito ang nilalaman…

“It is with a heavy heart that after three years of marriage, we announce that we are parting ways. Our love and respect for each other remains. We request for privacy during this difficult time.”

Inamin ni Jason na naging unfaithful siya kay Moira during their marriage.

“Though my love for her has always been genuine, a few months ago, I confessed to Moira that I have been unfaithful to her during our marriage. I believe that she deserved to know the truth rather than continue down a ‘peaceful’ but dishonest path. I take full responsibility and I’m doing my best to be better,” pag-amin ni Jason.

Dagdag pa niya, “From the bottom of my heart, I’m sorry for everyone I hurt. Especially Moi.”

Kasunod nito, samu't saring reaksiyon ng mga dismayadong fans ng singer ang nabasa namin sa social media.

May mga galit na galit kay Jason kahit inako pa raw nito ang kasalanan sa hiwalayan nila.

Meron din namang nagsasabi na baka dahil sa mental health problem ni Moira kaya naghanap ng iba si Jason. Hindi na raw siguro nito kinayang sakyan at pagpasensiyahan ang mood swings ng singer kaya na-fall sa iba.

May ilan ding nagsasabi na mabuti at hindi pa sila nagkakaanak dahil kawawa ang bata 'pag nagkataon.

Nakakalokah, ang daming fans ni Moira ang naiyak at affected much na parang relate na relate sa pinagdaraanan ng nagpasikat sa kantang Paubaya. Now nila nari-realize ang hugot sa kantang 'yun ni Moira.

Hay, sad naman.