8 yrs. nang nagsasama… KZ, AYAW PANG MAGKAANAK PARA WALANG ISTORBO SA KANILA NG MISTER

ni Julie Bonifacio - @Winner | June 13, 2022

Aminado si KZ Tandingan na nagkukulang na siya ng oras para sa kanyang mister na si TJ Monterde.

“Sa buwan na ito, I hardly get more than three hours with my husband na kaming dalawa lang. But ang laking tulong po na we work on the same industry, kaya alam niya ang demand ng industriyang ito, eh,” kuwento niya.

Pagpapatuloy niya, “I mean, walang 9 (AM) to 5 (PM), 9 to 5 sa ating trabaho, kahit madaling-araw natatapos. There was one time, umalis kami ng bahay ng alas-tres ng madaling-araw. Umuwi ako ng bahay, the next day at three AM din. Ganoon po,” pahayag ni KZ sa ginanap na grand media launch ng Top Class: Rise To P-Pop Stardom last Sunday, June 12, sa Glorietta Activity Center, Makati City.

Hindi naman daw nagtatampo si TJ kapag ‘di siya nabibigyan ng panahon ni KZ. Dito tinanong namin si KZ kung gaano siya ka-sure sa loyalty ng mister niya sa kanya.

“Ay, naku po. I don’t think it’s my responsibility na… it is my responsibility in some way, pero kung ang tao naman kasi, loyal sa 'yo, hindi mo kailangang ipilit sa kanya.

“Saka, may tiwala naman po ako sa kanya, eh. Siyempre, we don’t know what the future holds. But as of today, I am very thankful that my husband is the kindest person, the most understanding sa lahat ng ginagawa ko po.

“He drives me to work and from work, kahit alam niyang, kahit ano'ng oras, nand'yan siya palagi,” paniniyak ni KZ.

But what if one day, may aminin sa kanya si TJ like for example, being unfaithful sa relasyon nila? Sa panahon kasi ngayon, ang daming nangyayari at ikinagugulat na lang ng lahat.

“Well, totoo naman po na hindi natin masasabi kung ano ang mangyayari in the future. But I don’t want that thought to rub me of the choice today, ganoon. So, ayun po.”

Feeling confident naman si KZ sa mister niya, lalo pa’t wala raw siyang nararamdamang uneasiness sa relasyon nila ni TJ.

“Ngayon naman, I don’t feel na nakakapag-worry sa akin kung may mangyayari or anuman. Just want to enjoy that.”

Magtu-two years na raw sila ni TJ ngayon. Pero nag-isip pa talaga si KZ bago binilang kung ilang taon na silang kasal. Ayaw daw kasi niyang i-count 'yung panahon ng pandemic na pinagdaanan nila bilang husband and wife. Feeling daw niya ay ninakawan sila ng panahon as a married couple nu’ng pandemic.

But eight years na raw sila since naging mag-boyfriend-girlfriend sila ni TJ.

Siyempre, we asked KZ kung kailan naman sila magkakaroon ng baby ni TJ.

“Uh, we’re gonna get a new dog soon,” birong seryoso ni KZ.

“Wala pa po, eh, kasi sa eight years namin na magta-travel na kaming dalawa lang is going to be next month.

“So, ang dami-dami pa naming gustong gawin and i-experience na kaming dalawa lang muna.

“Kasi siyempre, if you are going to have a child, it is going to change everything. Ang magiging priority mo is the child. So, ayun.”

Samantala, isa si KZ sa tatlong celebrity mentors sa pinakabago, pinakamalaki, most advanced and most interactive P-Pop talent reality competition sa bansa, ang Top Class: Rise To P-Pop Stardom.

Present sa grand media launch ng Top Class ang mga hosts and mentors ng show tulad nina Albie Casiño (co-host), Yukii Takahashi (co-host), KZ Tandingan (vocal mentor), Brian Puspos (dance mentor) and Shanti Dope (rap mentor).

Nandoon din ang 30 talented trainees na pumasa sa highly competitive and rigorous audition process, pati na sina P-Poo’s Newest Caliber, G21 and The Monster Rookies of P-Pop and VXON.

Ang Top Class: Rise to P-Pop Stardom ay produkto ng game-changing partnership between four Filipino entertainment powerhouses: Kumu, TV5, Cignal Entertainment and Cornerstone Entertainment.

Magsisimula ang exciting and innovative competition on June 18 on Kumu (daily streaming) and TV5 (every Saturday).