8 yrs. nagsama, akala sa kasalan na ang bagsak… LIZA, UMAMING MAY NAKITA KAY ENRIQUE KAYA NAKIPAGHIWALAY

ni Julie Bonifacio @Winner | August 16, 2025

Photo: Liza Soberano - IG

Pasabogang mga rebelasyon ni Liza Soberano sa Can I Come In? channel na mapapanood sa YouTube (YT).

Ini-reveal niya ang nangyari sa romance nila ng screen partner niya na si Enrique Gil at kung paano sila nag-split. 

Three years ago na raw sila nag-split (naghiwalay) ng aktor, but a year before ng actual breakup nila, nakikita na raw ni Liza sa sarili niya na unhappy siya. 

Akala raw niya, si Enrique na ang kanyang forever pero may nakita raw siya na signs kay Enrique para hiwalayan.

Instead na tanungin ang aktor, hinayaan na lang daw niya dahil may trauma pala itong si Liza sa confrontation.

Pahayag ni Liza, “I decided to just swallow it or like, sweep everything under the rug. I kind of accepted. I like, I remember I did like a mental checkup with myself and I accepted that there were certain things about him that I wasn’t okay with, and that it’s just always going to be like that. And that’s just life. You win some, you lose some. You have to deal with the good and the bad.

“So I was like mentally telling myself these things because we were already at that point almost 8 years together and I was genuinely EXPECTING US TO GET MARRIED like soon. But then, it didn’t happen. And so, when I broke up with him, I would say it was such a beautiful breakup because it was still so, so full of love.”

Inamin pa ni Liza na nahirapan talaga siya na makipaghiwalay kay Enrique dahil sobra niya itong mahal at nakaramdam din siya ng guilt feeling.

Pero iba naman ang pinansin ng mga netizens sa interview ni Liza at hindi ang tungkol sa kanila ni Enrique. Bagkus, mas ang concern pa ng mga nakapanood ng buong interview ni Liza ay ang sinapit niya sa Amerika noong bata pa siya na nagsimula sa edad na 2.

Sey ng mga netizens…

“Katatapos ko lang mapanood ‘yung video n’ya, grabe ang pinagdaanan n’ya sa Amerika. Grabe ang abuse, ibang trauma, malala.”

“She was talking about her very traumatic childhood for almost 30 minutes. The kidnapping, the child abuse… and all you wanna focus on is the breakup?”

“The headline (caption sa X na dating Twitter) is not clicking. Go watch the whole story. The kidnapping? The trauma? The abuse? Asking her to eat or lick dog feces literally? How did you not put that in the headline?”

“It was kinda an open secret naman na they already broke up. Obvious naman kasi. But still, shocking.”

“There’s more to the video than just a breakup. But then again you wouldn't touch her trauma/childhood survival since you only see her as the other half of a money making duo.”

“All media platforms focus on breakups but no one talks about the trauma and abuse. Hugs for Liza!”

So, there.

MAGSASAMA sa isang ABS-CBN teleserye ang dalawang sikat na heartthrobs na sina Donny Pangilinan at Kyle Echarri para sa Roja na mapapanood ngayong taon tampok ang mga bigating cast.

Parehong beteranong mga aktor at ilang mga inaabangan na young stars ang makakasama nina Donny at Kyle sa serye katulad nina Maymay Entrata, Raymond Bagatsing, Joel Torre, Janice De Belen, at Lorna Tolentino.

Mula sa produksiyon ng Dreamscape Entertainment, inanunsiyo ang Roja sa pamamagitan ng nakakaintrigang video teaser sa social media kung saan tila magtse-check-in sa isang engrandeng resort, ang La Playa Roja, ang bawat cast member matapos ilatag ang kani-kanilang mga maleta.

Ang Roja ang nagsisilbing pagbabalik sa primetime serye nina Donny at Kyle pagkatapos ng kani-kanilang serye na How to Spot a Red Flag (HTSARF) at Pamilya Sagrado (PS).

Abangan ang iba pang mga detalye at kung sino ang iba pang mga cast members ng Roja.

Para sa updates, sundan ang @abscbnpr sa Facebook (FB), X (dating Twitter), Instagram (IG), at TikTok (TT), o bisitahin ang ABS-CBN website.