8 bagito, lalarga sa 3-YO Maiden Race

ni Green Lantern - @Renda at Latigo |October 30, 2022

Bakbakan ang walong bagitong kabayo sa 3-Year-Old & Above Maiden Race na ilalarga sa Metro Turf, Malvar - Tanauan City, Batangas, ngayong araw.

Posibleng magdomina sa bentahan ang kalahok na Euroclydon na gagabayan ni jockey MM Gonzales ayon sa mga beteranong karerista.

Kaya naman markado si Euroclydon sa mga liyamadista sa distansiyang 1,400 meter race.

Pakakawalan ang nasabing karera sa unang race, may added prize itong P20,000 para sa winning horse owner. Ang ibang makikipagtagisan ng bilis ay sina May Ten, Nganga Bell, Money For Gabriel, Brainchild, Sakalam, Cool Cat at Bohemian,

Komento ng mga karerista sa social media, posibleng magbigay ng magandang laban kay Euroclydon ay sina May Ten at Money For Gabriel na sasakyan ni dating Philippine Sportswriters Association, (PSA) Jockey of the Year awardee Jessie B.Guce.

May siyam na karera ang pakakawalan ng Metro Manila Turf Club Inc. (MMTCI) ngayong Linggo kaya tiyak na masisiyahan ang mga karerista sa kanilang pananaya.

Lahat ng karera ay suportado ng Philippine Racing Commission, (PHILRACOM) sa pamumuno ni chairman Reli De Leon.

Race 1 - Euroclydon (3), Money For Gabriel (4)

Race 2 - Moment Of Truth (4), Patong Patong (2)

Race 3 - Manlot Island (3), Asik Asik Falls (8), Winsome Maxxine (6)

Race 4 - Matalang Talang (5), Panday Piro (6), Barrio San Roque (7)

Race 5 - Lucky Savings (8), Battle Scar (7), Calle Loreto (4)

Race 6 - Sayaw Kikay (3), Heavenly Star (1)

Race 7 - Street Smart (9), Munich (7), Bebang/Distinction (4/4A)

Race 8 - Calbayog/Namayan (3/3A), Batang Cabrera (2), Silab (6)

Race 9 - Celebrity (11), Namaskar (2), Jewel In The Sky (1)