500-K doses ng Sinovac mula China, dumating na!

ni Ka Ambo - @Bistado | April 13, 2021

Dumating na muli ang 500,000 doses ng Sinovac mula China.

Bahura o bakuna?

◘◘◘

NAGPAOSPITAL si Presidential spokesperson Harry Roque.

Mabuti’t tinanggap siya!

◘◘◘

MATUTURUKAN na ng COVID vaccine ang mga ordinaryong obrero ngayong Mayo at Hunyo.

‘Yan ay kung gusto nila!

◘◘◘

MAS marami ang ayaw magpaturok ng COVID vaccines.

Malaking problema ‘yan!

◘◘◘

KAILANGANG makaisip ng paraan ang gobyerno kung paano maaakit nang todo ang ordinaryong Pinoy na magpabakuna kontra COVID.

May epektibong rekomendasyon tayo riyan: Pwes, ang Sinovac ay lagyan ng “glutathione”.

Tiyak na magkakandarapa ang mga ‘yan!

◘◘◘

APEKTADO ng negatibong ulat ng media ang mga tao.

Natatakot silang makaranas ng side effects!

◘◘◘

SA totoo lang, halos lahat ng bakuna ay may side effects kapag itinurok.

Ang side effects tulad ng sinat o mahinang lagnat at senyales na tumalab ang bakuna at nag-react ang immune system!

◘◘◘

KAPAG walang naramdaman anumang side effects matapos magpabakuna, ‘yan ay malaking problema rin.

Baka “softdrinks” ang itinurok sa benepisaryo?

◘◘◘

SA totoo lang, nakapagbakuna na ang kaming mag-asawa dahil sa pagiging frontliner.

Kaming mag-asawa ay tinurukan ng AstraZeneca.

Nakaranas kami ng kaunting pananakit ng katawan matapos ang 24-oras ng pagturok!

◘◘◘

ANG ibang tinurukan ng Sinovac at walang naranasan anumang sintomas maliban sa kirot ng karayom.

May talab kaya ang Sinovac.

Isang malaking tanong ‘yan!

◘◘◘

PINANINIWALAANG bumababa na ang transmission rate ng COVID.

Diretso na sana ‘yan pabulusok sa graph!

◘◘◘

PINAIINIT ang isyu sa West Philippine Sea upang i-discredit ang China.

Kagagawan ‘yan ng mga espiya!