top of page
Carlos Yulo at Chloe San Jose - FTWBA YT.jpg

50 jeep, van na inarkila ng mga raliyista, hinarang ng LTO

Writer: BULGAR
BULGAR
51 minutes ago
1 min read

ni Mervin Reyes @News | November 17, 2026



Van aprehended - LTFRB

Photo: File / LTFRB / ASEAN



Hinarang at sinita ng Land Transportation Office (LTO) ang halos 50 pampasaherong jeepney at van sa Mabuhay Rotonda sa Quezon City habang ginaganap ang 49th ASEAN Summit.


Sa isinagawang operasyon, aabot sa 20 sasakyan ang tiniketan dahil sa ilegal na pamamasada o out-of-line. 


Samantala, pinayagang magpatuloy sa biyahe ang iba matapos mapatunayang pribadong sasakyan ang mga ito.


Inamin naman ng ilang jeepney driver na inarkila sila ng mga raliyista upang sumama sa kilos-protesta na isinagawa sa Philippine International Convention Center (PICC) sa Pasay City.


Sinita ang mga sasakyan bilang bahagi ng pagpapatupad ng mga regulasyon sa pampublikong transportasyon habang isinasagawa ang mga aktibidad kaugnay ng ASEAN Summit.


Tiniyak ng LTO na magpapatuloy ang kanilang operasyon laban sa mga colorum at overloaded na sasakyan upang matiyak ang pagsunod sa mga patakaran sa kalsada.

Katuwang ng ahensya sa mga operasyon ang Land Transportation Franchising and Regulatory Board (LTFRB) at PNP Highway Patrol Group.

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page