Para tugisin ang mga illegal terminal… ‘Mystery passengers’, ipapakalat ng LTFRB

by Info @News | January 27, 2026

Photo: LTFRB

Nakatakdang magpakalat ng 'mystery passenger' ang Land Transportation Franchising and Regulatory Board (LTFRB) para sa mas pinaigting na crackdown laban sa ilegal na terminals sa bansa.

Ayon kay LTFRB Chairman Atty. Vigor Mendoza, ipapakalat ang kanilang mga tauhan na magsisilbing pasahero upang matugis ang mga terminal na anila’y hindi sumusunod sa patakaran at nagiging lungga ng kolorum na sasakyan.

Sa ngayon, binabalangkas na umano ng ahensya ang polisiya na pipigil makakuha ng prangkisa ang mga ‘unsafe and run-down’ na PUVs.

LTFRB, handa na sa transport strike

ni Eli San Miguel - Trainee @News | April 12, 2024

Inihayag ni Land Transportation Franchising and Regulatory Board (LTFRB) chair Teofilo Guadiz III na handa silang harapin ang dalawang-araw na transport strike sa susunod na linggo.

Sinabi ni Guadiz na itatalaga ng LTFRB at Metro Manila Development Authority (MMDA) ang kanilang mga tauhan at sasakyan sa mga lugar na maaaring maapektuhan ng kilos-protesta ng Manibela at Piston.

Inilarawan niya rin na hindi na bago sa kanila ang ginagawa ng Manibela at Piston.

Noong Huwebes, inanunsiyo ng dalawang transport groups na magdaraos sila ng welga sa loob ng dalawang araw simula Abril 15 upang iprotesta ang papalapit na deadline ng franchise consolidation sa ilalim ng Public Utility Vehicle (PUV) Modernization Program.

Matatandaang nagsagawa ang Manibela at Piston ng ilang mga welga laban sa deadline ng franchise consolidation mula noong nakaraang taon.

Bahay ni LTFRB chair Guadiz, pinasok ng mga armado

ni Eli San Miguel - Trainee @News | December 14, 2023

Pumasok nang sapilitan ang higit sa sampung armadong tao sa bahay ni Teofilo Guadiz III, chairman ng Land Transportation Franchising and Regulatory Board (LTFRB), sa Dagupan City, ayon sa transport official ngayong Huwebes.

"While this incident has shaken our family, I remain committed to my responsibilities at the LTFRB, and I am confident that justice will be served. Updates on the investigation will be provided as they become available," pahayag ni Guadiz.

Dagdag ng LTFRB chief, "It seems personal, and the motive remains unclear."

Iniulat ni Guadiz na tatlong sasakyan at higit sa 10 armadong indibidwal ang sangkot sa pangyayari.

Ayon sa ulat ng pulisya sa Dagupan, dalawang sasakyan: isang puting van at isang itim na sports utility vehicle (SUV) ang dumating.

Nasa loob ng bahay ang 91-anyos na babae at ang kanyang kasambahay nang dumating ang mga salarin, na nagsabing magbibigay ng mga grocery bilang regalo. Sa pagbukas ng gate, mabilis na pumasok ang mga suspek sa bahay.

Nakumpirma na ligtas ang mga biktima.

Nangyari ang insidente bago ang pagsiklab ng two-day nationwide strike ng transport group na PISTON bilang protesta sa Disyembre 31 na deadline para sa consolidation ng mga public utility vehicles (PUV).