5 taon mula nang lumantad na tibo… JAKE, UMAMING TRANSGENDER MAN NA

ni Julie Bonifacio - @Winner | July 2, 2022

Burado na lahat ng posts ng singer na si Jake Zyrus sa kanyang Instagram few days bago matapos ang Pride Month celebration ng mga kapwa niya LGBTQIA+ members.

But last Thursday, June 30, humabol si Jake sa selebrasyon ng Pride Month para batiin ang mga kasamahan sa LGBTQIA+ community at magbigay ng inspiring message for them by posting ang mga larawan niya na lumabas sa kanyang interview sa international men’s magazine, ang GQ.

Coincidence man o hindi, ang naturang post ni Jake ay ang kauna-unahang pictures na ipinost niya sa kanyang Instagram pagkatapos i-delete ang mga nauna niyang posts.

Caption ni Jake: “Happy Pride Month, a little reminder that it’s okay to be myself. Thank you to those who have fought and continue to fight for our freedom of expression and acceptance.

“Thank you @gq for allowing me to tell my story and my journey as a transgender man.

“Thank you, @raymondangas for allowing me to express myself. Thank you @martindiegor for capturing the real me. To @oli_crapaud for accommodating us! My forever love and respect to my mentor, and my godfather @davidfoster. To my manager @carlcabral_ for her patience, understanding and being there for me throughout my journey. To my best friend, @cheesyfbaby for supporting me all the way, for being there for me through good and bad times. Love you & I’m always proud of you.

“To my Jakesters, mahal ko kayong lahat.

“To LGBTQIA+ community, this one’s for all of you. Mabuhay tayong lahat.”

Makikita sa comment section ang pagpapakita ng support kay Jake ng singer din na si Ylona Garcia.

“LOVE UU! PROUD OF UU! & THANK UU FOR ALWAYS INSPIRING ME!” mensahe ni Ylona.

Nag-reply si Jake sa comment ni Ylona, “Thank you Ylona!! Proud of you din!!!!”

Edad 30 na pala si Jake. Nag-birthday siya last May 10. Pero mukhang bata sa edad niya si Jake based sa mga litrato niya sa GQ magazine.

And five years na rin pala nu’ng gulatin niya ang publiko sa pag-amin niya na isa siyang lesbian.

Mukhang walang karelasyon si Jake ngayon, ha? Ganu'n naman usually kapag nagbubura ng mga posts sa IG, ibig sabihin, may mga naka-post doon na ayaw na niyang maalala.

And usually, kapag may karelasyon ang celeb, may-I-post ng mga ka-sweet-an nila sa socmed. Pero 'pag nag-break, super delete na ng mga posts, ‘di ba?

Sila pa rin kaya ng fianceè niyang si Shyre Aquino?

Nagpakasal kaya sila after ng kanilang engagement noong 2019? Or naghiwalay din kaya may-I-bura siya ng kanyang mga dating posts?