5 baguhan, ikakasa sa 2-YO Maiden Race

ni Green Lantern - @Renda at Latigo |October 16, 2022

Magbabanatan ang limang baguhang kabayo sa ikakasang 2-year-old Maiden Stakes Race na pakakawalan sa San Lazaro Leisure Park sa Carmona, Cavite, ngayong araw.

Posibleng magdomina sa bentahan sina Gintong Hari at Earli Boating paglarga ng karera sa Race 2.

Sasakyan nina Jomer Estorque at John Alvin Guce sina Gintong Hari at Earli Boating ayon sa pagkakasunod.

Ayon sa mga dehadista, pambato naman nila ang kalahok na Malibu Bell na rerendahan ni apprentice rider JT Pabilic. "Magandang dehado yan si Malibu Bell, baka maka-tsamba," saad ni Pablito Gonzales, veteran karerista.

Bukod sa nabanggit na mga kabayo, ang ibang kasali sa distansiyang 1,400 meter race ay sina Gold 'N Silver at Atomic Bomb.

Nakalaan ang P20,000 added prize para sa winning horse owner sa event na suportado ng Philippine Racing Commission, (PHILRACOM) na pinamumunuan ni chairman Reli De Leon.

Samantala, 7 karera ang naka-linyang ilalarga ngayon Linggo ng Manila Jockey Club Inc. (MJCI) kaya tiyak na todo saya ang mga karerista sa kanilang paglilibang.

Mga Pili ni Green Lantern:

Race 1 - Smart Julliane (7), Go Gee Go/Christiano (5/5A), Little Ms. Saturday (2)

Race 2 - Malibu Bell (5), Earli Boating (1)

Race 3 - Electrify (1), Kaboom (5), Roaring Kanyon (8)

Race 4 - Kicker (4), Sagitsit (5), Advance Party (3)

Race 5 - Senyorita (6), Batang Cabrera (3)

Race 6 - Don't Say Bad Words (1), Signature Move (7), Indelible Quaker (6)

Race 7 - Bisyo Mag Serbisyo (8), Since When (12), Eochirunran (3), Yes Kitty (2)