44 yrs. na ngayon… WISH NI JOEY: EB!, UMABOT NG 50 YRS!

ni Erlinda Rapadas @Teka Nga | March 11, 2023

Dahil naging bahagi siya ng noontime show na Eat… Bulaga! for 21 years, medyo nalungkot din si Anjo Yllana nang mabalitaan ang mga isyu at kaganapan sa iniwang noontime show.

Tatak na ng EB! ang pagiging longest-running show sa 'Pinas. Marami nang shows ang tumapat, pero hindi nanalo sa ratings.

Mula Aparri hanggang Jolo, ang Eat… Bulaga! pa rin ang paboritong noontime show ng lahat.

Hindi pinagsasawaan ng publiko ang team nina Tito, Vic at Joey (TVJ) ganu'n din ang iba pang hosts na sina Jose Manalo, Allan K., Wally Bayola, Paolo Ballesteros, Ryan Agoncillo, Maine Mendoza, Ryzza Mae Dizon atbp..

Maraming natutunan si Anjo sa panahon ng kanyang pagiging co-host sa Eat… Bulaga!.

Naniniwala siya na maaayos din ang internal problem sa show at hindi ito basta mawawala sa ere.

Hindi puwedeng palitan ng bagong show ang EB!.

Wish ni Anjo Yllana ay matupad ang goal ni Joey de Leon na umabot nang 50 years (golden anniversary) ang Eat… Bulaga! na ngayon ay 44 yrs. na sa ere.

Samantala, matapos ang isang taon ng pamamahinga sa telebisyon ni Anjo Yllana ay may bago siyang show sa TV5 in cooperation with Cignal and Viva Entertainment, ang funseryeng Team A na pagbibidahan nina Kim Molina at Jerald Napoles kasama sina Yayo Aguila atbp..

Masaya at inspirado nang muli si Anjo dahil may bago siyang TV show. Linya naman talaga niya ang pagkokomedi kaya tiyak na swak na swak ang pagsasama nila nina Jerald, Kim at Yayo.