ni Lolet Abania | September 3, 2021
Tinatayang nasa 41 katao ang namatay sa lugar sa New York nitong Huwebes nang gabi matapos ang matinding pagbaha na dulot ng Hurricane Ida, kabilang dito ang mga nasawi sa kanilang mga basements sa itinuturing na “historic” weather event na ayon sa mga opisyal ay dahil sa climate change.
Sa nai-record na mga pag-ulan, agad naglabas ng biglaang flash flood emergency warning sa New York City dahil naging ilog ang mga kalye rito habang nai-shut down ang mga subway services sanhi ng pag-apaw ng tubig na umabot sa mga platforms.
Daan-daang flights ang nakansela sa LaGuardia at JFK airports, at sa Newark, kung saan makikita sa video sa isang terminal na binaha ng tubig-ulan.
“We’re all in this together. The nation is ready to help,” ani President Joe Biden na nauna nang tumungo sa kanyang trip sa southern state ng Louisiana.