40 points ni McDaniels nilunod ang Batang Pier

ni Gerard Arce - @Sports | December 11, 2021

Nagsalpak ng mga importanteng free throws at baskets si dating NBA guard KJ McDaniels para sa NLEX Road Warriors upang maitakas ang 120-115 panalo sa overtime kontra sa Northport Batang Pier kahapon para makuha ang 2-0 record ng 46th PBA Governor’s Cup sa Ynares Sports Center sa Pasig City.

Kumana ng 11 points sa 40 puntos ang 28-anyos na 2014 NBA draft 32nd overall pick ng Philadelphia 76ers sa extra 5-minute period para trangkuhan ang magandang panimula ng NLEX. Nagtala rin ng 15 rebounds, 6 assists ang Alabama native na naglaro rin sa Houston Rockets, Brooklyn Nets at dating reinforced ng TNT Katropa noong 2019 Governor’s Cup.

Naging importanteng sangkap din ng panalo ng NLEX ang free throw baskets ni Kevin Alas at tulungang mabitbit ang NLEX sa additional period mula sa foul sa 3-pt line ni Northport import Cameron Forte. Nag-ambag si Alas ng 21pts.

“We actually lost our composer for a while having a good lead, but they played really good stretch. Although, I think they [Northport] have talent and size, they can be easily 2-0 in the start of the elimination and we respect what they can do, and what Arwind can give them.

But, KJ carry the team in his shoulders and in the OT. Obviously, we’re trying to keep getting better,” pahayag ni NLEX coach Yeng Guiao.

Nadismaya ang Northport na muling nakatikim ng dalawang sunod na kabiguan na hawak pa ang kalamangan sa huling sandali ng 4th period sa anim na puntos sa 100-94 sa nalalabing 2:40 ng laro, ngunit nagkapit-bisig sina McDaniels at Alas.