4 na bagets, tampok sa 2-YO Race sa SLLP

ni Green Lantern - @Renda at Latigo |September 14, 2022

Apat na bagitong kabayo ang magtatagisan ng bilis sa 2-Year-Old Maiden Race na ilalarga sa San Lazaro Leisure Park sa Carmona, Cavite, ngayong araw.

May distansiyang 1,300 meter race, magbabakbakan sina Grand Monarch, Noon Charm, Sky Story at Family Affair sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Ayon sa komento ng mga karerista, kahit apat lang ang maglalaban ay pahirapan pa rin sa pagpili ng tatayaan dahil lahat ng kasali ay may tsansang manalo.

"Mahirap pa ring mag-single bet para sa tatayaan mong winner take all, mas maganda 2 entry ang piliin mo kahit apat lang silang tatakbo," saad ni Allan Valencia, veteran karerista.

Samantala, nagpakitang-gilas si Big Lagoon noong linggo matapos manalo sa Condition Race na inilarga sa Metro Turf, Malvar - Tanauan City, Batangas.

Nirendahan ni class A rider Kelvin Abobo, inilista ni Big Lagoon ang tiyempong 1:22.8 sa 1,400 meter race upang talunin ang mga tigasing sina Robin Hood at Wish Afan A Star.

Dumating na segundo si Robin Hood, tersero si Mark Of Excellence habang pumang-apat si Runawayfromrosenot.

Tinutukan ni Big Lagoon ang mabilis sa largahan na si Robin Hood, subalit pagsapit ng far turn ay kumapit na ang winning horse at pagdating ng rektahan ay nakuha na nito ang unahan.

Naging madali kay Big Lagoon ang karera kaya tinawid nito ang meta ng walang kahirap-hirap.

Mga Pili ni Green Lantern:

Race 1 - Crown In My Head/Shelltex Gold (3/3A), Major Ridge/Navy Cut (2/2A), Achy Holly (10)

Race 2 - Sky Story (3), Grand Monarch (1)

Race 3 - Cash Is King (4), Air Class/Twinkle Toes (7/7A), Northern Fame (9)

Race 4 - Greatest Joy (3), Don Albertini/Buwayang Bato (7/7A), Darna (4)

Race 5 - Ninong (3), Shanghai Noon (4), Greatwall (6)

Race 6 - Olympic Swimmer (3), Gugma/Magical Zap (1/1A)

Race 7 - National Treasure (6), Rhegal (4), Smart Julliane (9)

Race 8 - Moderne Cong (6), Eazacky (1), Refuse To Lose (3)

Race 9 - Maximum Speed (13), You Never Know (3), This Time (4), Best Offer (7)