4 na astigin, babanat sa 2-YO Stakes Race

ni Green Lantern - @Renda at Latigo |October 15, 2022

Apat na tigasing batang kabayo ang aarangkada sa 2-Year-Old Maiden Stakes Race na ilalarga sa San Lazaro Leisure Park sa Carmona, Cavite, ngayong araw.

Posibleng si Orange Bell ang magdomina sa bentahan at kahit apat lang ang magtatagisan ng bilis ay naniniwala ang mga karerista na magandang laban pa rin ang kanilang masisilayan.

"Mga dekalidad na batang kabayo ang kasali kaya tiyak na magandang laban ang mapapanood dyan," saad ni Renato Villanueva, veteran karerista.

Rerendahan ni jockey Pabs Cabalejo, makakalaban ni Orange Bell sina Family Affair, Sky Lover at My Diamond sa distansiyang 1,400 meter race.

Nakalaan ang added prize na P20,000 para sa winning horse owner sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Isa pang aabangan ng mga karerista ang pagharap nina Tiger Boy at Toy For The Bigboy sa PHILRACOM Rating Based Handicapping System na pakakawalan sa pang-apat na karera.

Gagabayan ni dating Philippine Sportswriters Association, (PSA) Jockey of the Year awardee Jessie B. Guce si Tiger Boy habang si class A rider ONeal Cortez ang sasakay kay Toy For The BigBoy.

May distansiyang 1,400 meter race, ang ibang kalahok ay sina Medaglia D' Amor, Mandatum, Sari Baby at Lucky Savings na rerendahan ni class A jockey Mark Angelo Alvarez.

Ikakalat sa unang apat na kabayong tatawid sa meta ang added prize na P35,000 habang may karagdagang P10,000 premyo ang winning horse owner.

Mga Pili ni Green Lantern:

Race 1 - Katuparan/Space Jam (1/1A), Princess Isabelle (9), Happy Julliane (5)

Race 2 - Orange Bell (3), My Diamond (4)

Race 3 - Rockaway (9), Cool Mom/Humidor (1/1A), Cash Is King (10)

Race 4 - Tiger Boy (4), Toy For The BigBoy (5)

Race 5 - Enzo (4), Luke Skywalker (1), Buwayang Bato/Don Albertini (6/6A)

Race 6 - Solution (2), Ultimate Cat (1), Daldalero (4)

Race 7 - Moderne Cong (2), Kevlar (3), Doktora (1)