38 preso namatay sa sunog sa Burundi Prison sa Eastern Africa

ni Jasmin Joy Evangelista | December 8, 2021

Nasawi ang 38 preso habang 69 ang sugatan sa pagsiklab ng sunog sa Burundi Prison sa Gitega sa Eastern Africa.

Ayon kay Burundi Vice President Prosper Bazombanza, sinabi ng mga residente na nangyari ang sunog nang madaling araw ngunit wala pang nakaaalam sa dahilan ng sunog.

“We started shouting that we were going to be burned alive when we saw the flames rising very high, but the police refused to open the doors of our quarters, saying 'these are the orders we have received'," pahayag ng isang inmate.

“I don't know how I escaped, but there are prisoners who were burned completely," dagdag pa nito.

Karamihan umano sa mga namatay ay mga nakatatandang preso.

Noong Agosto ay nagkaroon din ng sunog sa nasabing kulungan dahil umano sa electrical problems.