ni Lucille Galon - Trainee @Entertainment | April 30, 2024
Na-postpone na ang almost sold-out na 30th anniversary concert ng aktres/singer na si Ara Mina na "All of Me" na gaganapin sana nitong May 7 sa Newport Performing Arts Theater, Pasay City.
Sey ni Ara, mula sa schedule na May 7 ay maililipat ito sa petsang July 11.
"Today ko rin ia-announce. Supposed to be birthday concert but nagkakagulo na kami sa schedule," ani Ara.
"Sabi ko, naka-press for time na ako. So we decided to move the concert to July," dagdag nito.
Ini-reveal niya rin na may project siya with Senator Bong Revilla.
"And meron pa akong movie, 'Alyas Pogi.' And then, meron pang under negotiation. So, ganu'n," sey n'ya.
"Hindi na rin makasingit ng mga promotion ng promo for the concert. Buti nga, ito, na-plot na namin, itong presscon, kaya itinuloy. But good thing na rin iyon, 'yung mga nakaano naman, nakabili na, magagamit naman nila 'yung ticket," paliwanag nito.
Anyway, may kumakalat na tsika na baka mahina ang benta ng ticket kaya hindi nila itinuloy, pero sey nga ni Ara, almost sold-out ito. True kaya?