3 buwang hulog sa utang, ibabalik — GSIS

by Mai Ancheta @News | April 2, 2026

Photo: File

Magpapatupad ang Government Service Insurance System (GSIS) ng Balik-Ginhawa, isang tatlong buwang loan moratorium upang magbigay ng pinansiyal na tulong sa mga kawani ng gobyerno na naapektuhan ng mataas na presyo ng mga bilihin dahil sa krisis sa Gitnang Silangan.

Sa ilalim ng Balik-Ginhawa, sa halip na tradisyunal na moratorium na titigil ng tatlong buwan sa pagbabayad ng utang, ang GSIS ang magbibigay ng pera na katumbas ng tatlong buwan sa pamamagitan ng refund mechanism.

Sa ilalim ng programa, magpapatuloy ang loan deductions.

Makukuha ng mga miyembro ang pondo na lump sum sa pamamagitan ng direct crediting sa kanilang accounts.

Sa pamamagitan nito ay nakakatiyak ang GSIS na magagamit ng bawat miyembro ang pondo para sa kanilang personal na pangangailangan.

Para sa mga miyembro ng GSIS na nais maka-avail sa Balik-Ginhawa ay maaaring mag-apply sa GSIS Touch mobile application.