ni Lolet Abania | March 7, 2021
Umakyat na sa kabuuang 594,412 ang COVID-19 cases sa bansa matapos na makapagtala ang Department of Health (DOH) ng 3,276 bagong tinamaan ng Coronavirus.
Ito na ang ikatlong magkakasunod na araw na mahigit sa 3,000 kaso ng COVID-19 ang naitala ng ahensiya.
Ayon pa sa DOH, may 10,516 kaso ng mga pasyenteng nakarekober sa virus na umabot sa kabuuang bilang na 545,853 ang mga gumaling.
Meron namang 51 bagong nasawi kaya umakyat na sa 12,516 cases ang bilang ng mga namatay dahil sa COVID-19 sa bansa.