Japan, kampeon sa Badminton Asia Manila Team Championships

Matagumpay na na­natili sa Japan ang kam­peonato ng Smart Badmin­ton Asia Manila Team Cham­pionships 2020 Women’s Division matapos walisin ang Timog Korea, 3-0, Ling­go ng umaga sa Rizal Me­morial Coliseum.

Kahit wa­lang naipanalo ang mga Ko­reana, naging mahigpitan ang palitan ng dalawang koponan at inabot ng halos tatlong oras para ma­tapos ang tatlong laban.

Inabot ng tatlong set ang panalo ni World #3 Akane Yamaguchi kay #9 An Se Young, 21-18, 19-21 at 23-21. Tumagal ang laban ng isang oras at 23 minuto. Ki­nuha ng mga Haponesa ang doubles sa likod nina Yuki Fukushima at Sayaka Hirota kontra kay Seo Hee Lee at Shin Seung Chan, 21-16 at 21-16. Sinigurado ni Sayaka Takahashi ang tie sa pangala­wang singles matapos pigilin si Sung Ji Hyun, 21-16 at 21-12.

Ito ang pangalawang sunod na korona sa BATC ng Japan. Tinalo nila ang Tsi­na, 3-0, sa nakaraang edisyon noong 2018 sa Malaysia. Pa­sok na rin ang Japan, Timog Korea at mga semifinalist na Malaysia at Thailand sa pres­tihiyosong Uber Cup nga­yong Mayo sa Denmark. Dito malalaman ang kam­peon ng mundo sa Women’s Team Badminton kung saan defen­ding champion din ang mga Haponesa.

Samantala, ang defending champion Indonesia at Ma­laysia ang nakatakdang mag­harap para sa kampeonato ng kalalakihan habang isinu­sulat ito.

Sasariwain ng dala­wang koponan ang kanilang laban para sa gintong me­dalya sa nakaraang 30th Southeast Asian Games kung saan nagwagi ang mga Indones, 3-1.