2 eroplano nagbanggaan, 4 na piloto, patay

by Mai Ancheta @News | October 25, 2026

Photo: Banggaan ang dalawang SF-260 aircraft habang nagsasagawa ng training flight sa Fernando Air Base sa Lipa City. - Circulated SS

Kinumpirma ng Philippine Air Force (PAF) ang pagkamatay ng apat na piloto matapos magbanggaan ang dalawang SF-260 aircraft habang nagsasagawa ng training flight sa Fernando Air Base sa Lipa City, Batangas. 

Nangyari ang insidente alas-3:51 ng hapon habang nagsasagawa ng training flight ang mga eroplano na may tail number 32 at 37.

Kabilang sa mga nasawi ang 1st Lieutenant, 1 Major at 1 Captain.

Sa inilabas na pahayag ng PAF, nagpahatid ito ng taos-pusong pakikiramay sa mga naulilang pamilya, mahal sa buhay at mga kasamahan ng mga nasawing piloto.

Dahil sa malagim na insidente, ipinatigil pansamantala ang pagpapalipad ng SF-260 aircraft.

Patuloy ang imbestigasyon upang matukoy ang naging sanhi ng aksidente.