15,000 doses ng Sputnik V Vaccines mula Russia, dumating na sa bansa

ni Ka Ambo - @Bistado | May 03, 2021

Dumating na ang 15,000 doses ng Sputnik V Vaccines mula Russia.

Ididiretso ito sa limang siyudad sa NCR — Maynila, Makati, Taguig, Muntinlupa at Parañaque.

Mayroon kasi silang maayos na cold storage!

◘◘◘

UMABOT na sa higit 400,000 katao ang tinatamaan araw-araw ng COVID sa India.

Nagkakaubusan na ang oxygen sa mga severe cases!

◘◘◘

BANDANG Agosto pa magkakaroon ng mass vaccination sa Pilipinas.

‘Yan ang pangarap ni vaccine czar Carlito Galvez!

◘◘◘

DAPAT nang idisenyo ang eleksiyon sa 2022 nang may social distancing.

Dapat magkaroon ng advance voting ang mga senior citizen, may sakit at may kapansanan!

◘◘◘

MARAMI pa rin ang mga sundalo at pulis na tinatamaan ng COVID.

Nilalabag nila ang mismong protocol!

◘◘◘

NASAAN ang mga dambuhalang korporasyon sa gitna ng pandemic?

Hinihintay na ang kanilang community pantry!

◘◘◘

KINOPYA lang daw ni Sen. Bong Go ang istorya ni Lapulapu kay P-Digong.

‘Wentu-wento lang talaga!

◘◘◘

AKTUWAL nang magkasangga sa pagbabantay sa West Philippine Sea ang AFP at Pentagon.

Napakalaking tama!

◘◘◘

UNANG putok na lang ang hinihintay ay magliliyab na ang kinatatakutang World War III.

Huwag sanang gawing battle ground ng US at China ang NCR Plus!

◘◘◘

IBINABALA na ang sobrang init ng klima.

Walang duda, maglalahong bigla ang COVID!

◘◘◘

KUNG ang Tagalog sa cupid ay kupido, ano ang Tagalog sa “COVID”.

Kobido o “Dukido”?

◘◘◘

IPINAPAYO na matapos magpabakuna ng anti-covid ay dapat daw na magpabakuna rin ng anti-flu at anti-pneumonia.

‘Yan ay para ma-perfect ang diskarte!