ni Eli San Miguel - Trainee @News | February 25, 2024
KYIV, Ukraine - Nangako ang Pangulo ng Ukraine na si Volodymyr Zelensky ng tagumpay laban sa Russia sa paggunita ng ikalawang anibersaryo ng pagsalakay sa kanila noong Sabado.
"We will win," aniya sa isang seremonya sa paliparan ng Gostomel sa Kyiv, na naging target ng Russia noong mga unang araw ng pagsalakay noong 2022.
Nagsalita siya kasama ang mga prime ministers ng Canada, Italy, at Belgium, at si EU Commission chief Ursula von der Leyen na dumating sa Kyiv upang markahan ang anibersaryo.
Nang ihayag ni Pangulong Vladimir Putin ng Russia ang "special military operation" noong madaling-araw ng Pebrero 24, 2022, marami ang umasa sa kanilang tagumpay sa loob ng ilang araw, ngunit lumaban ang Ukraine, na nagtulak sa mga grupo ng Russia na umatras.
Ngunit nagkaroon ng mga balakid ang Ukraine dahil sa kabiguan ng kanilang grupo noong 2023.