Wanted: Pinoy Talents na pambato sa Winter Games

ni Gerard Arce - @Sports | February 23, 2022

Hindi umano mag-aalinlangan ang pamunuan ng national Olympic body na kumuha ng mga bagong atleta sa tulong ng mga NSAs na Philippine Ski and Snowboard Federation and Philippine Skating Union na pinamumunuan nina Jim Apelar at Nikki Cheng, ayon sa pagkakasunod.

“We will explore the Winter Games sports and we will try to find more Filipino talents. I believe there are disciplines that we can excel in,” wika ng 57-anyos na kinatawan ng ika-8 distrito ng Cavite, na tinukoy na kahit na hindi maganda ang naging performance ni Miller sa Beijing Winter Games ay sadyang maipagmamalaki pa rin ang nagawa nito.

“Representing us in the Winter Olympics twice is absolutely big for us as a tropical nation.

We're still proud of Asa.”

Naging kauna-unahang tropical nation at mula sa Southeast Asian region ang Pilipinas na nakalahok sa 1972 Sapporo Winter Olympics sa pamamagitan ng mag-pinsang sina Ben Nanasca at Juan Cipriano para sa Alpine skiing.

Apat pang Pinoy ang nakapaglaro sa Winter Games mula kina luger Raymond Ocampo (1988 Calgary), Alpine skier Michael Turuel (1992 Albertville), figure skater Michael Christian Martinez (2014 Sochi at 2018 Pyeongchang) at Miller (Pyeongchang at Beijing).

Tiniyak ni Apelar na muling makababalik sa kanyang ikatlong Winter Olympic si Miller, kung saan maaaring hindi ito mag-iisa dahil lima pang mga may potensyal na kabataan ang hinahasa upang sumabak sa naturang paligsahan.

Kabilang dito ang 19-anyos na si Alpine skier Brandon Leitner, freestyle mogul skier Melvin Kangas, snowboard athlete Adrian Lee Tongko, at skier Ana Noelle Wahleithner.

Sa kabilang banda, nakatutok si Cheng sa mga atleta nilang sina short track speed skater Julian Macaraeg at teenage figure skater Sofia Frank.