Wala raw sinumang nakaalam… ANDI, IBINULGAR ANG PINAGDAANANG PROBLEMA SA PAG-IISIP

ni Vinia Vivar @Frankly Speaking | January 17, 2026

Photo: IG Janine Gutierrez

Sumali na rin ang ating mga local celebrities sa trending nostalgia 2016 ngayon sa social media kung saan nagpo-post sila ng mga throwback photos nila mula 10 years ago, kasabay ng pagbabalik-tanaw sa mga kaganapan sa kanilang buhay noong taong iyon.

Nag-post ng sandamakmak na larawan si Janine Gutierrez mula 2016 at inalala ang mga nangyari that year, kabilang ang kanyang pagiging first-time calendar girl at ang pamumuhay mag-isa.

“Okay, 2016 me! First-time calendar girl, living alone, redhead, Cinemalaya girlie and kambal-diwa ng brilyante ng tubig! But swipe to the end for the best part,” simula ng actress.

Ini-recall din niya na may pinagdaanan siya noong taong iyon na naging dahilan ng kanyang kalungkutan.

“I remember being sad for a big part of 2016 but wowie it’s true when they say just think ahead to whether or not it’ll matter in a few years. So if you’re going through anything now, hang in there!” sey niya.

Patuloy pa niya, “2016 was great, proud of this bbgirl.”

Natatandaan din niya na red ang hair niya that time at kinakailangan pang mag-spray ng black kapag nagte-taping siya.

“Also, my hair was red but had to be black for taping so we would spray paint it black for work tapos ‘pag mainit, black na rin ‘yung tumutulo sa face ko. She was working hard!” kuwento niya.

“Also, I’m so lucky to still be working with the most amazing people. I am but a product of everyone’s love and kulam,” aniya pa.

Nakita rin namin ang post ni Andi Eigenmann na sinabing ang taong 2016 ay isa sa pinaka-best years of her life.

Kabilang sa magagandang karanasan niya that year ang pagdalo sa Cannes Film Festival kung saan nagwagi ang kanyang inang si Jaclyn Jose ng Best Actress award para sa Ma’ Rosa (MR).

“2016, for me, was golden. From jet setting, magazine covers, and the Cannes Film Festival, even witnessing my nanay make history as the first Asian Best Actress winner, to winning my very first FAMAS for Best Actress,” simula ni Andi.

Ini-reveal niya ang struggle niya sa kanyang mental health noong taong iyon.

“Behind the bright lights, I was quietly struggling with my mental health, carrying battles no one could see. But that year, my journey started to shift. I began exploring islands, going on little adventures with Ellie and my friends, chasing open quiet shores and waves.

“And there, I was met with a life that felt unmistakably meant for me. For me and my little Ellie. All that was left was the courage to take the leap,” aniya.

“I eventually stepped away from the limelight, guided by my mental health and a deeper need for peace. But I will always cherish these moments as some of the best days of my life too,” sey pa niya.

Pagtatapos ng dating aktres, “2016 wasn’t just about being successful. It was about becoming.”

Si Donny Pangilinan naman, karamihan sa kanyang mga ipinost na larawan mula 2016 ay ang kanyang high school photos kasama ang classmates at family. That time ay hindi pa siya artista.

“2016 is back?” ang maikli niyang caption.

Nakiuso rin si Alexa Ilacad at sinabing 16 years old lang siya noong panahong iyon. Rock star pa raw siya noon at sa mga larawan ay makikita siyang nasa stage at nagpe-perform.

“16-year-old me was living her rockstar dreams. How has it been 10 years already? P.S. Mom, I told you it wasn’t a phase,” aniya.

Sumali rin si Jodi Sta. Maria at nakakatuwa na pareho pa rin ang hitsura niya 10 years ago at parang hindi siya tumanda. Makikita rin sa larawan na bata pa ang nag-iisa niyang anak kay Pampi Lacson na si Thirdy.

“2016 me didn’t know what was coming, but she chased moments that mattered. Grateful. Nostalgic. Nakaka-happy. Wow! 10 years flew by just like that. Parang kahapon lang,” sey niya sa caption.