Wala raw cancer…KRIS, 82 LBS. NOON, 112 LBS. NA NGAYON

ni Mercy Lejarde @Showbiz Talkies | July 17, 2025

Photo: Kris Aquino - IG

Napakarami ng mga fake news na naglabasan tungkol sa Queen of All Media na si Kris Aquino at sa kanyang kalusugan. 

May mga nagsabi na cancer-free na raw ito at naghahanda na sa pagbabalik-television.

Well, nilinaw ito ng adopted father ni Kris at dating entertainment editor na si Dindo Balares, na misleading ang posts na cancer-free na raw si Kris. 

Nag-share si Dindo ng latest health update ng kanyang anak-anakan.

Pahayag niya, “LOVE NOURISHES AND HEALS. Marami ang nagpapadala ng private messages at nagtatanong kung photoshopped (edited) lang ba ang pictures na ito ni Kris Aquino at kung totoong ito na ang appearance n’ya ngayon.

“Totoo at genuine po ito. Kuha ng kanyang kaibigan na si Ms. Jing three weeks ago habang nandodoon din ako sa private resort na kinaroroonan ni Kris.

“Pero unang-una, at ang pinakamahalaga muna, MULA SA PUSONG PASASALAMAT PO sa lahat na nagmamahal, nagmamalasakit, at patuloy na nagdarasal para sa panunumbalik ng kalusugan ni Kris. 

“When we pray, miracles happen – proof si Krisy. Love nourishes and heals.

“Malayung-malayo pa, pero unti-unti nang nakakabawi ang kanyang katawan at timbang.

“Hirap na hirap, nakita ko mismo, at narinig na mahinang sinasabing, ‘I really hate being dependent’ dahil kailangan s’yang alalayan kung gustong bumangon o dapat kargahin papunta sa comfort room, pero tinitiis n’ya.

“Maraming beses na s’yang bumagsak sa sahig at sa loob ng banyo, dahil inaakala n’yang kayang-kaya na, pero hindi pa pala.

“Mabagal man ang mga resulta, tama ang desisyon n’yang umiwas muna sa big city at manirahan sa tabing-dagat para lumanghap ng sariwang hangin.

“Una naming napansin sa pamamalat ng kanyang balat. ‘May regeneration of skin, Krisy,’ sabi ko sa kanya. ‘Ibig sabihin, may regeneration of cells din maging sa loob ng katawan mo.’

“Last January, ang pinakamababa n’yang timbang. ‘Eighty-two (82 lbs.) was my lowest,’ kuwento ni Kris habang magka-chat kami kahapon. ‘Today I am 112. But Kuya Dindo, my arms and legs below my knees are still skinny – the weight is in my thighs. My arms are also still thin. 

“The other night before Bimb arrived, hindi kinaya ni Nurse Elle, bumigay my knees. I said, ‘It’s okay, just don’t let me land on my knees. So I fell slowly on my behind because she was still holding my back. ‘No gana (appetite) to eat today,’ sabi pa n’ya.

“Galing sa pinakamababang 82 lbs, 112 lbs na s’ya sa kasalukuyan. Marami pa akong kuwento, pero ito po muna sa ngayon (pink heart & folded hands emoji).”

Dagdag pa ni Dindo, “Note: Misleading po ang mga posts na cancer-free na raw si Kris. Wala po s’yang cancer ever since. Hindi po cancer ang ginagamot ng mga doktor kay Kris kundi auto-immune illnesses.”

Noted po, kapatid na Dindo. Salamat sa pagbabahagi mo ng balita tungkol sa kalusugan ni Kris Aquino. 

Get well soon, Krissy.

---

ANAK NI BARON KAY NADIA, CLOSE SA MISIS NIYA

SA social media post ng aktor na si Baron Geisler ay nagbahagi siya ng video clip na may dala siyang cake at kinakantahan ng birthday song ang asawang si Jamie Marie Geisler.

Napansin ng mga netizens na hindi lang magaling na aktor ang isa sa cast ng Incognito kundi magaling din itong magpahayag ng pagmamahal sa kanyang misis.

Saad ni Baron, “Happy birthday to the love of my life, my wife, my partner, my best friend (red heart emoji).

“Jamie, I honestly can’t imagine life without you. You are the light of our home, the heart of our family, and the calm in my storms. You’ve been my rock, my safe space, and my biggest supporter through everything.

“I’m beyond grateful to have a wife and mother like you… so loving, so nurturing, so strong. We’ve been married for almost six years and together for almost eight, and in all those years, I’ve watched you grow more beautiful, wiser, and even more selfless. You just turned a year older, but to me, you’ll forever be 40. Timeless. Glowing. Young at heart.

“We celebrated your birthday yesterday, and it meant a lot to me. It’s been years since we really took the time to celebrate you, and yesterday was different. That moment with family, that small party you truly deserve… it felt right. It felt long overdue. And I’m glad we finally did it.

“What I told you before still stands… I want to grow old with you. And now, we’re actually doing it. We feel it in the little things, like the back pains, (laughing face emoji) the quiet mornings, the shared laughter after long days. We’re growing old together, and I wouldn’t have it any other way (red heart emoji). 

“Happy birthday, Mrs. Jamie Marie Geisler,” sweet na mensahe ni Baron.

Samantala, sa Instagram (IG) story na ibinahagi ni Sophia Angela, anak ni Baron sa magandang aktres na si Nadia Montenegro, ay nag-post siya ng larawan kasama si Jamie Marie at may caption na: “Happy Birthday, Tita @jamie.marie.geisler!”

Ang ganda rin ng pagpapalaki na ginawa ni Nadia Montenegro sa kanyang anak na si Sophia. Wala kang mababakas na sama ng loob kay Sophia sa pamilya ng daddy dearest niya. Naturuan siya ni Nadia na magmahal kesa sa magkimkim ng sama ng loob.

‘Yun lang and I thank you.