Wala nang lusot, umamin… ELLEN, HULI SA AKTO NA NASA BAHAY ULI NI DEREK

ni Vinia Vivar - @Frankly Speaking | January 20, 2021

Matapos ang pa-dinner party ni Derek Ramsay sa kanyang mga kapitbahay kung saan nga ay isa sa mga dumalo si Ellen Adarna, patuloy pa rin palang nagkikita ang dalawa.

Katunayan, habang nasa virtual conference ang aktres ng bagong show nila ni John Estrada sa TV5 ay nasa bahay siya ni Derek.

Si MJ Marfori na field reporter ng TV5 ang nakabuking dahil napansin niya na pamilyar ang ceiling ng lugar na kinaroroonan ni Ellen.

Sa video na ipinost ni MJ, makikitang sinabi niya kay Ellen, “Napaka-familiar ng background mo, Ellen. Nandiyan ka ba sa bahay ni D? Nasa bahay ka ba ni Derek? Ceiling niya ‘yan!”

Napa-"Oh, my God!" si Ellen at hindi na nakapag-deny. “Masyado bang obvious?” tanong pa niya.

“Eh, magkapitbahay lang kami, 'di ba?” katwiran pa niya.

Makikita namang natatawa rin si John at tinanong siya ni Ellen kung ano ang masasabi niya bilang leading man ng aktres sa John en Ellen.

Nagbiro si John and said, “It runs in the family. We’re one big family.”

Dagdag niya, “But seriously, just like what I’ve said in my interviews, 'no? You know, Ellen and Derek are not stepping on anybody’s toes, so I don’t see any problem there. They’re both single, and you know, I mean, they deserve to be happy, so, you know…”

Pagbibiro pa ni John kay Ellen, “Pakisabi kay Derek, huwag muna siya maingay.”

Tawa lang nang tawa si Ellen. “Naririnig n’yo ba siya?” she asked, and then explained, “No, because he invited to have dinner in his house, that’s why."

Nakantiyawan si Ellen kung puwede raw bang magpakita si Derek at mag-hi kaya tinawag ito ng aktres.

“Derek, mag-hi ka na lang daw, kasi nabuking na ‘ko na nandito ako sa bahay mo,” sey ni Ellen.

Lumapit naman si Derek sa camera at nag-hi. Natatawang paliwanag pa ni Ellen, “Ang dami kaya namin dito, hindi lang ako, ano ba?”

So, ‘yun na!