Wa' pa ring raket sa showbiz… CLAUDINE, IBINEBENTA NA ANG SASAKYAN

ni Julie Bonifacio - @Winner | October 22, 2020

Ibinebenta ni Claudine Barretto ang kanyang very luxurious van. She posted on her Instagram account ang interior and exterior photos ng kanyang white 2008 GMC Savana Starcraft kahapon.

Sa caption ng kanyang IG post ay inilagay ni Claudine na for sale ang kanyang Savana Starcraft van. At sa mga interested buyers, inilagay doon ni Claudine na puwede siyang i-direct message or may isang tao pa na puwedeng kontakin.

Actually, that was not the first time na ipinost ni Claudine sa kanyang Instagram ang kanyang ibinebentang sasakyan. Last time na ipinost ni Clau sa IG ang photos ng kanyang van ay noong October 5.

Ang laki ng SS van ni Claudine na kung 'di kami nagkakamali ay 'di pa rin bababa sa P1M ang halaga.

Wala naman kaming nakitang comment sa IG post ni Clau both kahapon at noong October 5.

At least, walang negative reaction mula sa mga netizens na ang hilig-hilig mang-bash may masabi lang. It's good to know that they're nice naman kay Claudine.

Naisip lang namin, saan pa nga naman gagamitin ni Clau ang malaking SS van sa panahon ng pandemya? Hindi pa rin matiyak kung kailan siya magsisimula ng project with Piolo Pascual or kung matutuloy pa.

Although, hoping pa rin ang mga fans nina Claudine at Piolo na magkasama silang muli sa isang project.

Or puwede ring a project with her estranged hubby na si Raymart Santiago since nasa ABS-CBN na rin ang rumored boyfriend ngayon ni Jodi Sta. Maria.