Wa' pa rin programa para sa maliliit na negosyo, tsk!

ni Ka Ambo - @Bistado | September 18, 2021

Wala pa ring Kongkretong programa ang gobyerno kung paano masasaklolohan ang mga naluging maliliit na negosyo.

Kakambal 'yan ng kawalan ng trabaho ng ordinaryo tao!

◘◘◘

WALA pa ring tayong nakikitang presidentiables na may kapanipaniwalang plataporma.

Lahat ay propaganda lang!

◘◘◘

MARAMING incumbent LGU execs ang halos walang kalaban.

Nakapag-vote buying na kasi sila gamit ang ayuda!

◘◘◘

HINDI pa rin malinaw kung sino ang kakandito sa national position sa mag-amang Duterte.

Lumang estilo 'yan!

◘◘◘

GA-BUNDOK pa rin ang mahahalagang minerals sa buong Pilipinas.

Inirereserba nila 'yan para sa mga dayuhan!

◘◘◘

KAILAN kaya miminahin ang mga ginto at iba pang minerals sa Pilipinas?

Parang mga engot ang mga nasa pamahalaan!

◘◘◘

IIMBESTIGAHAN daw ng ICC si P-Digong.

Sana ay makabalik pa sila nang buhay sa kanilang bansa.

Puwede silang ma-COVID nang walang kalaban-laban!

◘◘◘

BAKIT kaya hindi pa nagbibitiw si DOH secretary Francisco Duque?

Wala pa kasing go signal ang mga suppliers ng PPE!

◘◘◘

HINDI pa rin nagdedeklara ng kandidatura sa pagkapangulo si Sen. Manny Pacquiao.

◘◘◘

MANHID na ang gobyerno sa mga kritiko.

Isang sintomas din 'yan ng COVID-19!

◘◘◘

SASAYA ang bansa 'pag kumandidatong pangulo si ex-Sen. Bongbong Marcos.

Makikikoro kasi maging ang mga komunistang nawalan ng pag-asa!

◘◘◘

SUMISIKAT si Sen. Richard Gordon.

Pinatulan kasi ni P-Digong!

◘◘◘

CARDIAC arrest ang pumapatay sa mga tao na nakarekober sa COVID-19.

Under stress ang tawag d'yan!