Virgin Coconut Oil, ginamit na gamot sa COVID-19 sa Cebu City

ni Thea Janica Teh - | July 20, 2020

Kinilala ang virgin coconut oil o VCO sa Cebu City dahil ito umano ang dahilan kung bakit walang naitatalang kaso ng COVID-19 sa Cebu Provincial Detention and Rehabilitation Center (CPDRC).

Ibinahagi ni Professor Fabian Dayrit ng Ateneo de Manila Umiversity (ADMU),l at kasalukuyang Vice-President ng National Academy of Science and Technology (NAST) ang resulta ng pag-aaral kasama si Dr. Jose Ray Mondejar. Ayon sa kanila, gumaling ang 20 inmates na nakararanas ng sintomas ng COVID-19 sa pag-inom lang ng isang kutsara ng VCO, araw-araw.

Sa kaniyang presentasyon na “The Potential of Coconut Oil as an Antiviral and Immunomodulatory Agent Against COVID-19” sa zoom webinar, sinabi ni Dayrit na ang naging resulta sa pag-aaral na ang VCO ay maaaring makapagpagaling ng taong may virus.

Bukod pa rito, ibinahagi rin ni Dr. Mondejar na bukod sa 20 inmates, uminom din ng VCO ang mga empleyado sa kulungan at ‘tila nagkaroon ng immunity sa virus kahit na dumarami ang naitatalang bilang sa Cebu City.

May sampung CPDRC guard na nagpositibo sa COVID-19 ang nagboluntaryo na sumali sa treatment program na ito nina Dayrit at Mondejar.

Ayon sa report, bukod sa pagpapainom ng VCO, sumailalim din sa ibang treatment protocol ang mga nagpositibo. Ilan sa mga ito ang steam inhalation at pag-inom ng turmeric juice.

Pinamumunuan sa ngayon ni Dayrit ang pag-aaral sa VCO bilang epektibong gamot laban sa COVID-19 kasama ang Duke University- National University of Singapore na nagbigay na nagbigay ng donasyon sa Department of Science and Technology.