Vape Bill, nag-lapse into law – Malacañang

ni Lolet Abania | July 26, 2022

Ipinahayag ng Malacañang na ang kontrobersiyal na Vape Bill, kung saan ipinanawagan ng mga doktor at health experts na i-veto ni Pangulong Ferdinand “Bongbong” Marcos, Jr., ay nag-lapse into law.

Ito ang kinumpirma ni Press Secretary Trixie Cruz-Angeles ngayong Martes.

Ang naturang measure ay nagbibigay ng mga regulations para sa importasyon, manufacture, pagbebenta, packaging, distribusyon, paggamit, at communication ng vape products at novel tobacco products.

Inililipat din nito ang regulatory powers sa mga produkto na mula sa Food and Drug Administration (FDA) sa Department of Trade and Industry (DTI).

Sina Senators Pia at Alan Peter Cayetano gayundin, ang ilang medical groups ay nanawagan kay Pangulong Marcos na kanyang i-veto ang panukalang batas.

Giit ni Sen. Pia na ang Sin Tax law ay sapat na upang i-regulate ang paggamit ng vapes.

Ang ibang healthcare professionals at professors ay nagpahayag naman ng kanilang paniniwala na anila, “[the measure] could help mitigate the serious health risks and possibly save the lives of more than 16 million current Filipino smokers who are at very high risk [of] getting sick and dying due to smoking-related complications.”

Kapwa naman nag-oppose ang Department of Health (DOH) at Department of Education (DepEd) sa naturang bill na anila, “arguing this will undermine existing national laws, policies, and standards on regulation, distribution, and use of vapor products and heated tobacco products.”

Nagbabala rin ang DOH na ang pagpasa ng ganitong legislation ay maglalantad sa mga kabataang Pilipino sa, na ani ahensiya, “undue risk of harmful and addictive substances associated with vape use like alcohol, marijuana, and potentially other illicit drugs.”