Utos sa DOH… Kampanya laban sa HIV at TB, dapat ding tutukan – P-BBM

ni Lolet Abania | December 6, 2022

Inatasan ni Pangulong Ferdinand “Bongbong” Marcos Jr. ngayong Martes ang Department of Health (DOH) na iprayoridad din ang kampanya laban sa human immunodeficiency virus (HIV) at tuberculosis infections, bukod sa pagtutok ng ahensiya sa COVID-19 pandemic.

Gayundin, tinanong ni Pangulong Marcos si DOH officer-in-charge Undersecretary Maria Rosario Vergeire tungkol sa TB-DOTS program ng DOH na layong mapuksa ang sakit na tuberculosis o TB sa bansa.

“Let’s start refocusing again on the general public health concerns. Siyempre (of course) COVID has not come away. [We] still have to deal with it but let’s not deal with COVID...

at the expense of all these other public health concerns,” pahayag ni Pangulong Marcos sa isang meeting kasama ang mga DOH officials sa Malacañang.

Sinabi naman ni Vergeire sa Pangulo na naging “mas makabago” ang DOH sa paglaban sa sakit na tuberculosis, kung saan ang ahensiya ay maglulunsad ng isang primary care program, kabilang dito ang TB-DOTS.

Ayon kay Vergeire, “tuberculosis had reemerged because of its high transmissibility, and that the illness usually affects people from the lower income brackets of society.”

Sinabi rin ng opisyal na marami nang tinatawag na multi-drug resistant cases ng tuberculosis dahil maaari pa ring makabili ang publiko ng mga gamot para sa naturang sakit na over the counter.

“So, for example, they have prescriptions that will be given by doctors who just need them... medicines for just one, two months, they will not finish their medicines and they become resistant,” sabi ni Vergeire.

Patungkol naman sa HIV, ayon kay Vergeire, “[the DOH had] gained headway prior to COVID-19 but encountered hurdles during the pandemic because of state-imposed curbs.”

Aniya, tumaas ang HIV cases sa panahon ng pandemya dahil sa resulta ng mga restriksyon, kung saan napipigilan ang mga tao na sumailalim sa HIV screenings.

“People were not able to go for screening, were not able to get their medicines because of the lockdowns, so what we did during the time of pandemic, we were already sending per individual or per patient ‘yung kanilang mga gamot through LBC para lang makainom sila ng gamot,” paliwanag ni Vergeire.

Binanggit naman ni Vergeire na nakikipagtulungan na ang DOH sa mga mambabatas at sa judiciary department upang malabanan ang stigma at diskriminasyon, na pumipigil sa mga indibidwal na sumailalim sa medikal na atensyon sakaling nakararanas ng sintomas ng HIV.