Utol ng dating business partner ng TV host… ATTY. JESUS FALCIS, SUSPENDIDO DAHIL SA PAGBANAT KAY KRISCOCO, ALALAY LANG NI ALECK BOVICK NOON, BIDA NA NGAYON

ni Julie Bonifacio @Winner | June 16, 2026

Photo: FB Circulated

Suspendido ang abogadong kapatid ng dating business partner ni Kris Aquino.

Iniutos ng Supreme Court (SC) na i-suspend for one year si Atty. Jesus Falcis III dahil sa kasong isinampa laban sa kanya ng mga supporters ni Kris.

Inireklamo si Atty. Jesus ng supporter ni Kris dahil sa kanyang post sa Twitter noong 2018.

Post dati sa X (dating Twitter) ni Atty. Falcis, “‘Yung mga biased na dilawan d’yan, halata kayo. Sa allegations ni Kris, paniwalang-paniwala na kayo agad. Pero sa allegations namin na she threatened my brother, wala ako naririnig sa inyo? P*** kayo! Kayo, mga g*ga, Hahaha! Check your cognitive biases.”

Ipinost ni Atty. Jesus ang kanyang tweet para ipagtanggol ang kanyang kapatid at dating business partner ni Kris na si Nicko Falcis.

Sa X, naglabas ng statement si Atty. Jesus sa naging desisyon ng Supreme Court.

Narito ang kanyang official statement:

“I accept the wisdom of the Supreme Court to suspend me for one year. All lawyers are under the disciplinary power of the Court and I am no exception.

“Back in 2018 to 2019, I was fighting for the life and liberty of my brother and my family’s safety and reputation.

“I felt helpless and powerless except for my small voice on social media. We were nobodies and I was screaming against the void.

“If being suspended is the price I have to pay for defending my family, then it is a price I will pay in any lifetime.

“I recognize that words contained in a tweet have power and my choice of words should have consequences. All lawyers should be held accountable for their words and actions.”

Sa huli, may panawagan si Atty. Falcis sa Supreme Court na i-resolve na ang pending disbarment cases ng mag-amang Rodriguez at Sarah Duterte, para ipakita raw na talagang no one is above the law.

So, there.

---

MULING nagkasama-sama sina Coco Martin, Aleck Bovick, Ihman Esturco at Katherine Luna sa bagong action-series na Sigabo.

Si Ihman ay dating manager nina Coco at Katherine noong kanyang indie film days. Kasabay nito, lumalabas din si Ihman sa pelikula at telebisyon noon.

Pagkatapos ay nagkahiwalay na sila ng kanyang mga talents. Nagpunta at nanirahan sa US si Ihman.

Sa kanyang latest Instagram (IG) post ay inalala ni Ihman ang nakaraan nila nina Coco at Katherine.

“A rare full-circle moment,” panimula niya sa caption ng IG post niya na larawan nila nina Coco, Katherine at Aleck sa set.

Pagpapatuloy ni Ihman, “I still remember launching Aleck Bovick as an actress, while a young Coco Martin was her PA. Years later, I also launched Coco in Masahista, with Katherine Luna as his leading lady.

“And now, before the SIGABO motorcade, muli kaming nagkasama-sama after all these years, this time not as manager and talents, but as fellow cast members of the same show.

“Nakakatuwa lang makita kung paano umiikot ang panahon. More than the memories, I’m grateful that Coco remains the same humble person I knew from the very beginning, never forgetting the people and the journey that helped shape his success.

“Truly a rare moment. Salamat Deng aka Coco Martin...

“Good luck to the entire SIGABO family! Catch our pilot premiere on June 22 at 8:00 PM.”

Abangan!