Usec. Castro nag-resign

ni Mylene Alfonso @News | October 24, 2026

Photo: Atty. Claire Castro - PCO

Mananatili sa puwesto si Palace Press Officer Undersecretary Claire Castro sa ilalim ng pamumuno ni Presidential Communications Office (PCO) Secretary Lino Cayetano, na inilarawan ang opisyal bilang isang “treasure in this government.”

Ito ang kinumpirma ni Cayetano habang sinusuri ng PCO ang mga courtesy resignation ng mga opisyal nito kasunod ng pag-alis sa puwesto ng dating Communications Secretary Dave Gomez.

“Yes. Usec. Claire is a treasure in this government,” pahayag ni Cayetano nang tanungin kung pananatilihin niya si Castro sa puwesto.

Aniya, humahanga siya sa kakayahan ng tagapagsalita ng Palasyo na maipaliwanag nang maayos ang mga ginagawa ng administrasyon.

“I haven’t seen someone who can articulate so well what this government [does]. We will work closely together so we can help translate a lot of the issues, a lot of the programs, a lot of the policies of this government,” aniya.

Sinabi rin ni Cayetano na wala siyang nakikitang dahilan upang baguhin ang palaban na pamamaraan ni Castro sa pagsagot sa mga kritiko ng administrasyon. Gayunman, nais niyang higit na pagtuunan ng pansin ang pagpapaliwanag sa publiko ng mga programa at polisiya ng pamahalaan.