US state visit ni P-BBM sa Setyembre 18 na

ni Lolet Abania | September 15, 2022

Nakatakdang magtungo si Pangulong Ferdinand “Bongbong” Marcos, Jr. sa United States of America simula Setyembre 18 hanggang 24, kung saan magsasalita rin ito sa 77th United Nations General Assembly (UNGA) sa Setyembre 20, ayon sa mga opisyal ngayong Huwebes.

“We are going to expect that his speech will be relating to how the Philippines will be recovering from this pandemic, and where he intends to take this and how he will do so in cooperation with other states,” saad ni Press Secretary Trixie Cruz-Angeles sa isang briefing na dinaluhan din ng mga Department of Foreign Affairs (DFA) officials.

Ayon kay DFA Assistant Secretary Kira Danganan-Azucena, magsasalita si Pangulong Marcos bandang alas-3:15 PM, New York time o bandang alas-3:15 AM sa Manila sa Setyembre 20.

Binanggit ng DFA na ang tema para sa general debate ngayong taon sa UNGA ay “Watershed Moment, Transformative Solutions to Interlocking Challenges.”

“We can expect the President’s statement to identify these challenges and the solutions to address them, the role of the United Nations and how the Philippines intends to contribute to these efforts,” pahayag ni Azucena.

Aniya, maaari ring matalakay sa statement ni Pangulong Marcos ang prayoridad ng administrasyon kabilang dito ang climate change, rule of law, at food security.

Pina-finalized naman sa ngayon ang posibleng meeting ni Pangulo Marcos kay US President Joe Biden na ayon sa DFA, “in consultation” na sila sa White House at sa US National Security Agency hinggil sa usapin.

“Ambassador Romualdez is personally dealing with the matter,” ani DFA Assistant Secretary for American Affairs Jose Victor Chan-Gonzaga.

May kabuuang 152 heads of state ang lalahok sa UNGA, kung saan ilan dito ay mami-meet ni Pangulong Marcos.

“The President will take this opportunity to meet with some of them during his stay in New York. He will also meet with some key UN officials,” ani Azucena.

Sinabi ng DFA, ang official delegation para sa napipintong trip at kaugnay na meetings sa US ay binubuo ng mga heads ng DFA, Department of Trade and Industry, Department of Finance, National Economic and Development Authority, at Department of Migrant Workers at iba pa.

Ayon kay Gonzaga, mayroon ding 20 hanggang 30 senior Philippine corporate executives.

Philippine corporate executives na makakasama.