US Secretary of State Blinken, nag-courtesy call kay P-BBM

ni Lolet Abania | August 6, 2022

Nagbigay si United States Secretary of State Antony Blinken ng courtesy call kay Pangulong Ferdinand "Bongbong" Marcos Jr. sa Malacañang ngayong Sabado ng umaga.

Sa ulat, si Blinken ay dumating sa Palasyo pasado alas-9:00 ng umaga.

Una siyang lumagda sa Palace guestbook saka nakipagkita kay Pangulong Marcos.

Nakaiskedyul din si Blinken na makipag-meeting kay Department of Foreign Affairs (DFA) Secretary Enrique Manalo ng umaga ng Sabado, habang nagsagawa sila ng joint press conference sa hapon.

Una nang sinabi ng US Embassy sa Manila na sina Pangulong Marcos, Manalo, at Blinken ay anila, "discuss bilateral efforts to strengthen the US-Philippines alliance, through increased cooperation on energy, trade, and investment, advancing shared democratic values, and pandemic recovery."

Si Blinken ay dumating sa Manila nitong Biyernes ng gabi.

Sinalubong nina DFA Chief of Protocol Fred Santos at Office of American Affairs Assistant Secretary JV Chan-Gonzaga si Blinken nang lumapag ang eroplano nito sa Villamor Airbase.