U.S. Olympic gymnast, binatikos ang FBI at Justice Department

ni MC - @Sports | September 18, 2021

Tahasang binatikos nina US Olympic gymnasts Mckayla Maroney at Simone Biles ang FBI at Justice Department dahil sa pagbasura ng kanilang sumbong na sexual harrasment kontra sa dati nilang coach na si Larry Nassar.

Ayon sa isinagawang pagdinig sa Senate Judiciary Committee, sinabi ng dalawang atleta na pinabayaan ng mga otoridad na patuloy na palayain ang suspek para marami pang maabusong mga kabataan.

Reklamo pa ng mga gymnast na hindi pinansin at pinagwalang bahala ng FBI ang kanilang sumbong. Base sa report, kasama nilang nagreklamo ang kapwa nila gymnast na sina Maggie Nichols at Aly Raisman. Si Nassar na dating USA Gymnast team doctor ay kasalukuyang nakakulong kung saan unang ibinunyag ang kanyang pang-aabuso noong pang Hulyo 2015.