Tunay ba na may tone-toneladang ginto ang pamilya Marcos?!

ni Ka Ambo - @Bistado | January 21, 2022

NAG-PLATEAU na ang graph sa datos ng mga tinatamaan ng COVID-19.

Ibig sabihin, walang ibang susulingan ito kundi ang dumausdos!

◘◘◘

NAGKAKAISA ang lahat, mild symptoms lang ang epekto ng Omicron variant.

Salamat kay Lord!

◘◘◘

PAGHANDAAN na ang pagkawala ng virus.

‘Yan ay sa pamamagitan ng pag-aayos ng mga negosyo!

◘◘◘

MAGLALAGAY daw ng vaccination area sa mga pharmacy.

Mainam naman!

◘◘◘

IBINASURA ng Comelec ang isa pang disqualification case laban kay ex-Sen. Bongbong Marcos.

Una, una lang ‘yan!

◘◘◘

LUMILITAW ngayon na tanging si VP Leni ang pinakamalapit na karibal ni Marcos.

Pero, pinaaasa nila si Isko na makakakahabol pa!

◘◘◘

SA ilang survey, higit sa 60 porsiyento ang agwat ni Marcos kay Robredo.

Pero, may puta-putaking straw vote na nasa 50-50 ang labanan ng dalawa.

Komporme sa sektor at lugar!

◘◘◘

TULIRO rin ang mga local candidates.

Epekto ‘yan ng sobrang haba ng kampanya.

Matira ang may dirty money!

◘◘◘

IBINABALA na ang pagkatuyot ng dam.

Ano’ng ginagawang solusyon para rito?

Wala!

◘◘◘

TUMATAAS din ang presyo ng petrolyo.

Wala ring solusyon!

◘◘◘

MAY papalapit daw na asteroid sa earth.

Pwes, bakit hindi tayo lumayo?

◘◘◘

MAY tubig daw na natagpuan sa Moon.

Aba’y sabihin ninyo ‘yan sa Maynilad!

◘◘◘

ALIENS daw ang tao sa ibabaw ng mundo.

Huh, ngayon n’yo lang ba nalaman?

◘◘◘

SARADO ang mga simbahan.

Pati si Lord na puwersahang nai-quarantine!

◘◘◘

TOTOO raw ba na may tone-toneladang ginto ang Pamilya Marcos?

Aba’y itinanong ninyo kay Lola Basyang!