Tulong medikal sa media, oks na

ni Mylene Alfonso @News | July 24, 2023

Makaaasa ng tulong ang mga miyembro ng media at kanilang kaanak kay ACT-CIS Partylist Rep. Erwin Tulfo, kapag sila'y nagkasakit.

Sinabi ni Tulfo sa ginanap na forum ng Manila City Hall Reporters' Association, na nararamdaman niya ang kalagayan ng media.

"Kahit papaano meron naman kaming pondo para du'n, kaya nakahanda kaming tumulong," ayon pa kay Tulfo.

Maaari umanong magsadya sa kanilang tanggapan lalo na 'yung mga may problema sa ospital at gamot.