SCOOP OF DA DAY: Airport worker tiklo sa umano'y ilegal na droga sa NAIA

ni Jeff Tumbado @Feature & Media | May 16, 2026

Ang airport worker na nakitaan ng security guard ng umano’y ilegal na droga sa Ninoy Aquino International Airport Terminal 3. (Gina Pleñago) 

---

NEWS SCOOP: Tama ng mga bala tumambad, matapos ang umano'y barilan sa pagitan ng NBI at OSAA

ni Jeff Tumbado @Feature & Media | May 15, 2026

Tadtad ng mga tama ng bala ng baril ang salamin na ito na sinasabing bahagi ng emergency exit ng Senado patungong gusali ng GSIS matapos ang umano’y barilan sa pagitan ng mga tauhan ng National Bureau of Investigation at Office of the Sgt. at Arms, kaugnay sa tangkang pag-aresto kay Senator Ronald “Bato” dela Rosa. (Jeff Tumbado)

---

NEWS SCOOP: Pulis na nag-viral dahil sa pananakit sa live-in partner, sinampahan ng patung-patong na kaso

ni Jeff Tumbado @Feature & Media | May 14, 2026

Humarap kay National Police Commission (NAPOLCOM) Vice Chairman at Executive Officer Atty. Ralph Calinisan (gitna) si Police Corporal Alimeri Dela Cruz (kaliwa), ang pulis na nag-viral dahil sa pananakit sa live-in partner nito na si alyas Ayra. Pormal nang sinampahan ng patung-patong na kaso ng Napolcom si Dela Cruz. (Jeff Tumbado)

---

NEWS SCOOP: OSAA ng Senado armado, kasunod ng umano'y pananakit at tangkang pag-aresto kay Bato

ni Jeff Tumbado @Feature & Media | May 13, 2026

Makikita sa larawan ang ilan sa mga tauhan ng Office of the Sgt. At Arms (OSAA) ng Senado na armado na ng automatic rifle habang nagbabantay sa loob ng naturang gusali kasunod ng nangyaring umano’y pananakit sa isa nilang kasamahan ng mga ahente ng NBI sa kalagitnaan ng tangkang pag-aresto kay Senador Ronald dela Rosa. (Jeff Tumbado)

---

NEWS SCOOP: Sen. Bato humarap sa Senado

ni Jeff Tumbado @Feature & Media | May 12, 2026

Personal na humarap si Senador Ronald “Bato” dela Rosa sa session hall ng Senado kahapon, Mayo 11. (PHOTO SENATE)

---

NEWS SCOOP: Bigat ng trapiko naranasan sa SCTEX, matapos ang long weekend

ni Jeff Tumbado @Feature & Media | May 11, 2026

Dahil sa sobrang bigat ng trapiko ay halos hindi na makausad ang mga sasakyan sa magkabilang linya papasok at palabas ng Subic Clark Tarlac Expressway (SCTEX) sa bahagi ng Tipo Road, Subic Bay Metropolitan Authority (SBMA) na nagsisibalikan sa kani-kanilang destinasyon matapos ang long weekend na bakasyon. (Jeff Tumbado)

---

NEWS SCOOP: Hindi nakapagbayad ng permit sa halos 10 taon... Mga tindahan sa public market, ipinasara

ni Jeff Tumbado @Feature & Media | May 10, 2026

Kasama ang ilang miyembro ng Police Station 1 ng Olongapo City Police Office (OCPO), nanguna sa pag-padlock ang mga kawani ng Business Permit ng Local Government Unit sa mga tindahan sa public market ng Lungsod dahil sa hindi na nakapagbayad ng kanilang permit sa halos 10 taon. (Jeff Tumbado via Bulgar)

---

NEWS SCOOP: TNVS driver nanumpa sa Napolcom upang ireklamo ang 4 na miyembro ng PNP-HPG

ni Jeff Tumbado @Feature & Media | May 8, 2026

Ang TNVS driver na nanumpa sa harapan ni Napolcom Executive Director Atty. Ralph Calinisan para ireklamo ang apat na miyembro ng PNP-HPG personnel na sangkot umano sa pangingikil. (Jeff Tumbado via Bulgar)

---

NEWS SCOOP: PBBM, dumating sa Joint Task Force ng Philippines-US Balikatan War Exercises

ni Jeff Tumbado @Feature & Media | May 7, 2026

Isa si Gen. Christian Wortman, senior U.S. Marine commander na sumalubong kay Pangulong Ferdinand Marcos Jr. pagdating nito sa Camp Aguinaldo sa Quezon City bilang bahagi ng Joint Task Force (JTF) ng Philippines-US Balikatan War Exercises 2026. (Jeff Tumbado) 

---

NEWS SCOOP: Mining exploration sa Subic, operasyon ipinatigil

ni Jeff Tumbado @Feature & Media | May 6, 2026

Ang ilang makinarya na ginagamit sa mining exploration sa Subic, Zambales na kinumpiska  ng pulisya makaraang ipatigil ang operasyon ng DENR. (Jeff Tumbado via Bulgar)

---

NEWS SCOOP: Sunog sa Taytay... 20 kabahayan natupok

ni Jeff Tumbado @Feature & Media | May 4, 2026

Nasa 20 kabahayan ang natupok ng apoy habang patuloy na inaapula ng mga bumbero sa sumiklab na sunog sa Brgy. San Juan, Taytay, Rizal pasado alas-3 ng hapon kahapon. (Jeff Tumbado via Bulgar)

---

NEWS SCOOP: Dahil sa tindi ng init ng panahon... Pag-rasyon ng tubig sa Olongapo, isinagawa

ni Jeff Tumbado @Feature & Media | May 3, 2026

Kani-kaniyang dala at pila ng mga balde ang mga residente ng Amelia Heights Gordon Heights, Olongapo City upang marasyunan ng tubig mula sa fire truck ng Olongapo Fire-Rescue Team (Bravo) dahil na rin sa tindi ng init ng panahon. (Jeff Tumbado via Bulgar)

---

NEWS SCOOP: Kilos-protesta kasabay ng Labor Day

ni Jeff Tumbado @Feature & Media | May 2, 2026

Nagmistulang dagat ang magkabilang linya sa España Boulevard, Maynila dahil sa kapal ng tao na lumahol sa kilos-protesta kasabay ng Labor Day. (Jeff Tumbado via Bulgar)

---

NEWS SCOOP: Nasabat ng Bureau of Customs... 249 M halaga ng shabu, nakatago sa mga kahon ng LED spotlights

ni Jeff Tumbado @Feature & Media | April 29, 2026

Nasa P249.83 milyong halaga ng shabu na nakatago sa malalaking kahon na naglalaman ng mga LED spotlights ang nasabat ng Bureau of Customs (BOC) matapos madiskubre sa isang warehouse sa Pasay City. (Jeff Tumbado via Bulgar)

---

NEWS SCOOP: Asawa ni VP Sara na si Atty. Manases Carpio, pormal na naghain ng reklamong kriminal

ni Jeff Tumbado @Feature & Media | April 28, 2026

Pormal nang naghain ng reklamong kriminal sa Quezon City Prosecutor’s Office si Atty. Manases “Mans” Carpio, asawa ni Vice President Sara Duterte, laban sa ilang kongresista at opisyal ng gobyerno, dahil sa paglabag umano sa Anti-Money Laundering Act, Bank Secrecy Law at Data Privacy Act. (Jeff Tumbado via Bulgar)

---

NEWS SCOOP: Paglilinis at pag-segregate ng mga basura pinangunahan sa pakikiisa sa Earth Day

ni Jeff Tumbado @Feature & Media | April 27, 2026

Pinangunahan ng mga environmental groups ang pag segregate ng mga basura na kanilang naipon mula sa paglilinis sa kahabaan ng baybaying dagat sa Subic Bay Freeport Zone bilang pakikiisa sa selebrasyon ng “Earth Day” ngayong 2026. (Jeff Tumbado via Bulgar)

---

NEWS SCOOP: Experts mula Japan, dumating para tumulong sa nasusunog na Navotas Landfill

ni Jeff Tumbado @Feature & Media | April 26, 2026

Dumating sa Lungsod ng Navotas ang mga experts mula sa Japan International Cooperation Agency (JICA) upang tumulong para mapabilis at tuluyan nang maapula ang apoy sa nasusunog na lumang Navotas landfill dahil malawak ang kanilang karanasan sa landfill fire management. (Maeng Santos via Bulgar)

---

NEWS SCOOP: Terminal sa QC, punuan para sa long weekend

ni Jeff Tumbado @Feature & Media | April 25, 2026

Hapon na pero punuan pa rin ang mga pasahero sa Victory Liner bus terminal sa Cubao, Quezon City na nais humabol pauwi ng mga probinsya patungong Central Luzon nitong araw ng Biyernes lalo’t long weekend. (Jeff Tumbado via Bulgar)

---

NEWS SCOOP: MOA nilagdaan sa pagpuksa kontra child sexual abuse sa digital space

ni Jeff Tumbado @Feature & Media | April 24, 2026

Sina NBI Director Atty. Melvin Matibag at Child Rescue Coalition, Inc. (CRC) Chief Executive Officer Greg Schiller matapos lagdaan ang Memorandum of Agreement at Deed of Donation para sa pagpapalakas sa pagpuksa kontra child sexual abuse sa digital space. (Jeff Tumbado via Bulgar)

---

NEWS SCOOP: Remulla at Trillanes, dumalo bilang panguhing testigo sa impeachment laban kay VP Sara

ni Jeff Tumbado @Feature & Media | April 23, 2026

Dumalo sina Ombudsman Jesus Crispin Remulla at dating Senador Antonio Trillanes IV bilang mga pangunahing testigo ng House Justice Committee ng House of Representatives sa pagdinig ng impeachment laban kay Vice President Sara Duterte. (Jeff Tumbado via Bulgar)

---

NEWS SCOOP: 19 hinihinalang NPA, napatay sa engkuwentro

ni Mai Ancheta @Feature & Media | April 22, 2026

19 na hininihalang miyembro ng NPA napatay sa engkuwentro ng militar sa Negros Occidental. (Mai Ancheta via Bulgar)

Athena Imperial, nagsampa ng reklamong acts of lasciviousness laban kay Nico Waje

ni Jeff Tumbado @News | May 14, 2026

Photo: Athena Imperial at Nico Waje - IG Circulated

Naghain ng magkahiwalay na reklamo sa tanggapan ng Quezon City Prosecutor’s Office si GMA reporter Athena Imperial laban sa dating kasamahan nito na si Nico Waje kaugnay ng kinasangkutang sexual harassment.

Ayon kay Atty. Aloi Renz P. Santos, legal counsel ni Imperial o Athena Mae D. Imperial-Rodriguez sa totoong buhay, pormal na naghain ang kanyang kliyente ng mga kasong acts of lasciviousness sa ilalim ng Article 336 ng Revised Penal Code at gender-based sexual harassment sa ilalim ng Republic Act No. 11313 o Safe Spaces Act.

Ayon sa law firm, kasalukuyan nang nasa tamang forum ang kaso kaya’t hahayaan muna nilang umusad ang proseso at hindi muna tatalakayin ang detalye ng reklamo upang maprotektahan ang karapatan ng kanilang kliyente.

Nagsampa ng reklamo si Imperial-Rodriguez hindi lamang para sa sarili kundi para rin sa mga hindi pa kayang magsalita o natatakot pang lumantad.

Samantala, sinabi rin ni Santos na may hiwalay na isinampang kaso ang isa pang complainant laban kay Waje ngunit hindi na sila nagbigay ng karagdagang detalye bilang paggalang sa privacy at due process.

Aminado umano si Imperial-Rodriguez na hindi naging madali ang kanyang naging desisyon dahil kinailangan umano niya ng panahon, pagninilay, at suporta mula sa mga malalapit sa kanya bago nagkaroon ng lakas ng loob na magsalita.

Binigyang-diin din niya na naniniwala siyang hindi dapat ipinagwawalang-bahala o pinapayagan ang mga ganitong insidente sa anumang lugar ng trabaho o industriya.

Hiniling din niya sa publiko na hayaang gumana ang batas nang walang haka-haka o maagang paghuhusga habang nagpapatuloy ang proseso ng kaso.

Sa kasalukuyan ay wala pang inilalabas na pahayag o reaksyon si Waje kaugnay sa mga reklamong isinampa laban sa kanya.

Utol, takusa raw… RAMON, TODO-TANGGOL KAY SEN. RAFFY NA NAG-TIP DAW NG P250K SA VIVAMAX STAR

ni Ambet Nabus @Let's See | December 10, 2025

Photo: FB Raffy Tulfo in Action & Ramon Tulfo

Isa pang pinag-uusapan sa socmed (social media) ay ‘yung naging pagtatanggol ni Ramon Tulfo sa kapatid na si Sen. Raffy Tulfo.

Since nag-viral nga ang naging rebelasyon ni VMX (Vivamax) star Chelsea Ylore na may mga senador umanong nagbigay ng indecent proposal sa kanya, may pa-blind item itong senador umano na very generous sa tip nitong P250,000. At sa clues ngang ibinigay ni Chelsea, may letrang ‘R’ sa first name at ‘F’ sa surname ang umano'y generous senator.

Umalma nga si Ramon at sinabing hindi siya naniniwala dahil kilala niyang ‘takusa’ (takot sa asawa) ang kapatid na si Raffy na asawa ng congresswoman na si Jocelyn Tulfo.

At if ever man daw totoo, ano naman daw? Kesa naman daw sa lalaki pumatol ang kapatid niya gaya ng kilala niyang lalaking senador na mahilig daw sa mga basketbolista. 

Nakakalokang pa-blind item din ng kuya nina Raffy at Erwin! Hahaha!

Pero ‘yun na nga, may mga netizens namang nagsasabi na baka nga hindi si Raffy kundi si Erwin ang tinutukoy ng VMX star. Hahaha!

Ipinagtanggol din ng may-edad na Tulfo ang yaman ng mag-asawang Raffy at Jocelyn na umano’y may pinagsamang bilyon na Statement of Assets, Liabilities and Net Worth (SALN) at very honest nila itong idineklara.

---

NAKAKABILIB itong si Isha Ponti, ang isa sa mga sinasabing ‘the next one’ ng music industry.

‘Yung latest recorded song kasi niyang Wala Ka Sa Pasko ay naisulat lang niya sa loob ng 45 minutes habang nasa rehearsal sila ng papalapit nilang THE NEXT ONES concert this December 13.

“Sentimental po talaga tayong mga Pinoy. Although it’s supposed to be a Christmas song na dapat ay merry, the song talks about longing for someone na hindi mo kasama sa Pasko. Totoo naman pong may ganyang nangyayari, ‘di po ba?” sagot sa amin ni Isha nang maitanong namin dito kung bakit may kantang malulungkot ‘pag Pasko.

Maganda ang areglo, ang tema, ang mood at texture ng song ni Isha. Taglay din nito ang mga klasikong tunog ng mga OPM songs gaya ng Pasko na Sinta Ko, Sana Ngayong Pasko at iba pa, kaya’t umaasa raw siyang marami rin ang makaka-relate rito.

Ngayon ngang darating na December 13 sa Music Museum na major concert nila ni Bossa Nova singer Andrea Gutierrez (the other next one), aawitin din niya ito bilang Christmas gift sa mga manonood.

“Naku! Marami pong surprises about the line-up of our songs. Halu-halo ang genre from love song to classics, pop rock, dance, etc.. Matutuwa po kayo,” hirit nina Isha Ponti at Andrea Gutierrez.

---

NAKAKAALIW naman ang mga nabasa naming posts tungkol sa balak ni Mark Herras na magpa-vasectomy.

Marami ang bumilib sa plano ng aktor dahil bukod sa praktikal na bagay daw ito, malaking tulong ito sa ating population issue.

May mga nagkumpara pa kay Mark sa ibang aktor na wala na raw ginawa kundi mambuntis ng iba pero nagiging iresponsable naman kalaunan.

Nabanggit din si Drew Arellano bilang naging mukha ng naturang procedure among the celebrities kaya’t good role model daw ito sa mga kalalakihan.

“Sana ay gawin na n’ya. ‘Wag press  release lang,” tila pang-aasar pa ng iba.

May mga netizens namang nag-suggest na dapat din daw ay gawin ito ni Aljur Abrenica dahil mukhang masusundan pa raw ang mga babaeng naanakan nito?

Nakakaloka talaga ang mga netizens kung umasta, ‘noh? Ang hilig manguna! Hahaha!